• USD 389.52
  • EUR 429.21
  • RUB 6.07
  • CNY 54.94
18 Qazan, 12:56:03
Sarapshylar joldaýdyń júzege asyrylýyn talqylady

25 Qyrkúıek, 2019 Aımaqtar

Jumyssyzdyqpen kúres – el damýyna úles

Jumyssyzdyqpen kúres búginde memleket tarapynan qarqyndy júrgizilýde. El saıasatynyń negizgi ustanymy da osy. Sondyqtan bul baǵytta jylda túrli memlekettik baǵdarlamalar jandanyp, salalyq mamandarǵa naqty tapsyrmalar júktelýde. Sonyń nátıjesinde jyl sanap jumyssyzdar sany azaıyp keledi. Bul úrdis Jambyl jerinde de keń kórinis tabýda, dep jazady Qamshy.kz aqparat agenttigi. Máselen Talas aýdanynda halyqtyń sany 55045 adamdy qurap, Qarataý qalasynda 30481 adam, aýylda 24564 adam (2018 jyly-55010), jalpy halyq sany 35 adamǵa ósken.

Halyqtyń ortasha aılyq jalaqysy 114196 teńgeni qurap, 22,9 paıyzǵa artqan (2018 jyly-92868).

2019 jyldyń 8 aıynda az qamtylǵan otbasylaryna kórsetiletin memlekettik áleýmettik kómekke josparlanǵan 668 mıllıon 902 myń teńge tolyǵymen ıgerildi. Sonyń ishinde memlekettik ataýly áleýmettik kómekke 1516 otbasyndaǵy 7658 adamǵa 649 mıllıon 657 myń teńge, turǵyn úı kómegine 530 otbasyndaǵy 2453 adamǵa 13 mıllıon 320 myń teńge, birjolǵy áleýmettik kómek 81 adamǵa 5 mıllıon 925 myń teńge taǵaıyndalyp, tolyq tólendi.

2019 jyldyń 8 aıynda jumyspen qamtý organyna jumyssyz retinde ótinish jasaǵan 2241 adamnyń jumyspen qamtylǵandar sany 1162 adam.

2019 jyly 198 adamdy qysqa merzimdi kásiptik oqytý jáne qaıta daıarlaý kýrsymen qamtamasyz etý josparlanyp, oǵan oblystyq bıýdjet esebinen 37 mıllıon 715 myń teńge josparlanǵan. Oqý kýrstaryna josparlanǵan 198 adam tolyq joldanyp, 8 aıdyń nátıjesimen 29 mıllıon 407 myń teńge ıgerildi. Oqýdy 60 adam aıaqtap, onyń 8-i jumyspen qamtyldy.

Jalpy jumyssyzdyqpen kúres – el damýyna úles ekeni daýsyz. Osyny jiti túsingen sala mamandary kúndelikti ótinish bildirýshiler men jastarǵa eki qolǵa bir kúrek taýyp berýge tyrysýda. Kúni keshe ǵana jurt údere kóship, óndiris oryndary jabylyp, kedeıshilik shydam sheginen shyǵyp, turǵyndardyń turmysy qıyndap keleshegi bulynǵyr kóringeı Qarataý qalasynyń boıyna qaıta qan júgirip jatqany qýantady. Esesine halyqtyń sany artsa, jańa jumys oryndary da kóptep ashylǵany abzal. Bul senim údesinen búginde talastyqtar shyǵyp jatqany anyq. Endeshe aýdannyń árbir isine tek sáttilik tileımiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir