Jambylda barlyq salada oń dınamıka saqtalǵan

Qandaıda bolmasyn memlekettiń qaryshtap damýy ekonomıka men saıası turaqtylyqqa baılanysty ekeni belgili. Memleket basshysy Qasym-Jomart Toqaev ta jýyrdaǵy Joldaýynda osynaý saıasatty berik ustanyp, jasampaz memleketimizdi jańa belesterge jeteleıtin joldy kórsetti. Bul oraıda bul baǵytta oblys ortalyqtary ǵana emes, aýdandardyń da atqarar róli orasan. Al Jambyl oblysy Talas aýdanynda jyl ishinde atqarylǵan tyndyrymdy tirlikter jeterlik, dep jazady Qamshy.kz aqparat agenttigi.  Zerdelep qarasaq, aǵymdaǵy jyldyń 8 aıynda Talas aýdany turǵyndarynyń yntymaǵy men birligi arqasynda josparly jumystar júzege asyp, barlyq sala boıynsha negizgi kórsetkishterdiń ósimine qol jetkizilip, oń dınamıka qalyptasqan.

Jalpy óndirilgen ónimniń jáne qyzmetterdiń kólemi 27 mıllıard 473 mıllıon 100 myń teńgeni qurap (2018 jyldyń qańtar-tamyz aıynda 22 mıllıard 479 mıllıon teńge), 122,2 paıyzǵa oryndalǵan. Nemese 4 mıllıard 994 mıllıon 100 myń teńgege artyq túsim túsip otyr.

О́nerkásip ónimderi 15 mıllıard 838 mıllıon 500 myń teńgege óndirilip, 2018 jyldyń esepti kezeńimen salystyrǵanda ónerkásip óndirisiniń kórsetkishteri 4 mıllıard 101 mıllıon 900 myń teńgege artyq nemese 134,9 paıyzǵa oryndalǵan. Naqty kólem ındeksi 102,9 paıyzdy qurady. (2018 qańtar-tamyz 11 mıllıard 736 mıllıon 600 myń teńge)

2019 jyldyń qańtar-tamyz aılaryna negizgi kapıtalǵa salynǵan ınvestısııalardyń jalpy kólemi 6 mıllıard 496 mıllıon 500 myń teńgeni qurap, byltyrǵy jyldyń esepti kezeńimen salystyrǵanda 103,5 paıyzǵa nemese 218 mıllıon 700 myń teńgege artyq túsip otyr. (2018 qańtar-tamyz 6 mıllıard 277 mıllıon 800 myń teńge)

Baıqap tursańyzdar negizgi salada ósim bar. Jáne bir emes birneshe esege ósken. Árıne bul janǵa jylý beretin aqpar. Oǵan qosa, Talas aýdany keıingi onjyldyqtyń bederinde adam tanymastaı ózgergeni jasyryn emes. Bir jyldary Qarataý qalasynan údere kóshken jurt búginde ataqonystaryna oralyp, tyndyrymdy tirlikke uıytqy bolýda. Odan bólek, «Qazfosfat» mıneraldy tyńaıtqyshtar zaýytynyń bir bóligi osy eldi mekende jandanyp, talaı adamdy jumyspen qamtyp otyr. Sondaı-aq «TalasInvestKompanıı» jaýapkershiligi shekteýli seriktestigi de elimizde balamasy joq kásipornyna aınalyp, altyn óndirý salasyndaǵy teńdessiz ónim shyǵaryp otyr.

Bunyń barlyǵy Talasty túletip, turǵyndardyń turmysyn túzeýge baǵyttalyp jatqan sharýalar ekeni anyq.