Jambyl oblysy et klasterin damytýda kósh ilgeri keledi

Elbasynyń «100 naqty qadam» Ult josparynda et klasterin damytýǵa aıryqsha basymdyq berildi. Iаǵnı QR Tuńǵysh Prezıdenti asyraýshy salany alshań bastyra otyryp, et klasterin de júıeli jolǵa qoıýdy mindettedi. Esterińizde bolsa, Jambyl oblysy byltyr qozy etin eksporttaý boıynsha respýblıka kóleminde birinshi orynǵa shyqqan bolatyn. Bıyl da aýdandaǵy jumystar kóz toıarlyqtaı, dep jazady Qamshy.kz aqparat agenttigi.  Atap aıtsaq, Talas aýdany 2019 jyldyń 8 aıynda «Merki et kombınaty» JShS-na 26,7 tonna qozy eti ótkizgen. Úsharal aýyldyq okrýgindegi «Áden» sharýa qojalyǵy mal bordaqylap, óziniń Taraz qalasyndaǵy (Tashkent kóshesinde ornalasqan) konservy óńdeý sehynda qoı, sıyr, jylqy jáne túıe etin konservlep jóneltýde. Sol sııaqty, «Aqbas» jáne «Yntymaq» sharýa qojalyqtary 500 bastyq jáne 1000 bastyq mal bordaqylaý alandar yn salýda. 2020 jyldan bastap maldy bordaqylaý josparlanyp otyr.

Bordaqylaý alańdaryna buqashyq ótkizý 2019 jyldyń jospar 2350 bas bolsa, búgingi kúnge oryndalýy 342 bas (14,6%) bolyp otyr. Bul jumys jalǵastyrylýda.

Et baǵytyndaǵy mal sharýashylyǵyn damytý baǵdarlamasy boıynsha

2019 jyldyń 8 aıynda «Sybaǵa» baǵdarlamasy boıynsha Qyzyláýit aýyldyq okrýgindegi «Yntymaq» «Káýsar» sharýa qojalyqtary shet elden (Germanııa) 114 bas etti-sútti baǵytyndaǵy «Cımmental» tuqymdy múıizdi iri qaranyń analyq basyn ákeldi. Sonymen qatar, «Qazyna» jáne «Naıza-Qyzyl» sharýa qojalyqtary shet elden 100 bas etti-sútti baǵytyndaǵy iri qara malyn ákelý josparlanýda.

Sút ónimderin qaıta óńdeý boıynsha Qarataý qalasynda (burynǵy «Kúnnury» balabaqshasy) táýligine 2 tonna sút ónimderin óndiretin (maı, qaımaq, irimshik) sehty ashý maqsatynda jeke kásipker «Serjanov» tarapynan jumystar jasalýda. Jobanyń quny 28 mln. teńgeni quraıdy. Qazirgi tańda nesıe alý baǵytynda jumystar júrgizilýde.

Qyzyláýit aýylyndaǵy «Káýsar» sharýa qojalyǵy óz qarjysyna 200 basqa arnalǵan taýarly sút fermasyn salyp jatyr. (qurylys jumystary bastalǵan)

Bostandyq aýylyndaǵy «Tájibaı» aýyl sharýashylyq óndiristik kooperatıvi bıylǵy jyly «Aýyl sharýashylyǵy qoldaý qory» AQ arqyly nesıege sút jınaıtyn tanker jáne sút tasıtyn avtomashına alyp, sút ónimderin qaıta óńdeý baǵytynda jumystaryn josparlaýda.