Jerdi tıimdi ıgerý - molshylyqqa aparatyn jol

Memleket basshysy Qasym-Jomart Toqaev halyqqa arnaǵan Joldaýynda sýarmaly jer kólemi men jaıylymdyqtardy sýlandyrý baǵdarlamasyna aıryqsha kóńil bóldi. Osy oraıda Jambyl oblysy Talas aýdanynda 2019 jyldyń 8 aıynda 25 qudyq qazylyp, jospar 100 paıyzǵa oryndaldy. Sonymen qatar, 36 kún sáýlesinen qýat alatyn qondyrǵylar iske qosyldy, dep jazady Qamshy.kz aqparat agenttigi. Aýdanyń jer kólemi 1 mln. 220 myń 562 ga, onyń ishinde egistik jerler 21 myń 439 gektar, (onyń ishinde sýarmalysy 12264 ga), shabyndyq 22 myń 785 gektar, jaıylymdyq 414 myń 450 gektar.

2019 jyldyń naýryz aıynda 1 konkýrs ótkizilip 21 jer ýchaskesi, jer kólemi 9 667 gektar, onyń ishinde 123,3 gektar sýarmaly egistik, 9543,7 gektar jaıylym jer konkýrs arqyly berildi jáne esepti merzimde 2 aýksıon ótkizilip 2,1 gektar jer ýchaskesi aýksıonǵa berilip, jergilikti bıýdjetke túsetin qarjy 17 mln. 239 myń teńgeni qurady.

2019 jyldyń ónimi úshin barlyǵy 12171 gektar alqapqa aýylsharýashylyǵy daqyldaryn ornalastyrý jáne 1600 ga par daıyndaý josparlanǵan. Onyń ishinde: kúzdik bıdaı 4000 gektar jáne burynǵy jyldardaǵy kópjyldyq shóp 4221 gektardy quraıdy. Kóktem aılarynda 3950 gektar alqapqa jazdyq aýyl sharýashylyǵy daqyldaryn egý josparlanyp 3286 gektarǵa (83,2%) aýylsharýashylyǵy daqyldary ornalastyryldy (onyń ishinde: 1310 gektar jazdyq arpa, 380 gektar dándik júgeri, 600 gektar maqsary, 100 gektar kúnbaǵys, 130 gektar kartop, 320 gektar baqsha, 230 gektar kókónis jáne 750 gektar).

Aıta ketetin jaı, 2019 jyldyń ónimi úshin josparlanǵan 3200 ga kúzdik bıdaıdyń ornyna 4000 ga jerge kúzdik bıdaı artyǵymen egildi.

Aǵymdaǵy jyly Aqkól aýyldyq okrýgindegi «Beken» sharýa qojalyǵynda 230 gektar alqapqa (130 ga qant qyzylshasy, 50 ga kartop, 30 ga pııaz, 20 ga sábiz) tamshylatyp sýarý tehnologııasyn engizip otyr.

Tamdy aýyldyq okrýginde ornalasqan «Tamdy» temir beton (lotok) júıesin (6,1 shaqyrym) aǵymdaǵy jóndeý jumystaryna oblystyq bıýdjetten 35 mln. teńge bólindi (joba quny 70,0 mln. teńge). Temir beton lotoktaryn qaıta qalpyna keltirgen jaǵdaıda 1200 gektar alqapty tolyǵymen jáne ýaqytyly sýmen qamtýǵa bolady (qázirgi tańda memlekettik satyp alý jumystary júrgizilýde, merdiger qyrkúıek aıynda anyqtalady).

(Tamdy sý júıesi massıvin (temirbeton lotoktar júıesi) mehanıkalyq otrıad arqyly qaıta qalpyna keltirý usynyldy. Bul massıv «Tamdy» - 2,14 mln. m3, «Jartas» - 5,05 mln. m3, «Myńshuqyr» - 7,0 mln. m3 sý qoımalarynan sý jetkiziledi. Lotok júıesiniń magıstraldy lotoktarynyń uzyndyǵy 6,1 km (jalpy uzyndyǵy 28 km), sýarylatyn alqap 1200 ga. Búgingi kúnge naqty sýarylatyny 300 ga. Osy massıvti qalpyna keltirilgen jaǵdaıda ıgerilmegen 800 gektarǵa, qosymsha 150-200 ga qosylyp, jalpy 1100-1300 gektar alqapty tolyǵymen jáne ýaqytyly sýmen qamtýǵa bolady. 6,1 km magıstraldy temir beton lotoktary tolyǵymen qırap, isten shyqqan.

Bul lotoktardy jóndeýge aldyn ala eseppen 2 nusqasyn usynamyz: 70-80 mln. teńge qajet etedi)Sonymen qatar, aýdandaǵy sorlanǵan sýarmaly jerlerge 1500 tonna fosfogıpsin alý josparlanǵan. Búgingi kúnge «KazFosfat» JShS-men 2146 tonnaǵa kelisim-shart jasalynyp, onyń 505 tonnasy tasymaldandy (33,6%). Aldaǵy ýaqytta bekitilgen kestege baılanysty tasymaldanatyn bolady.