• USD 389.52
  • EUR 429.21
  • RUB 6.07
  • CNY 54.94
16 Qazan, 03:55:11
Saılaý qarsańynda "joǵalyp ketken" akter Shrı-Lankadan sálem joldady (vıdeo)

24 Qyrkúıek, 2019 Aımaqtar

Kógildir otynnyń rahatyn kóretin kún alys emes

Elbasy óziniń árbir Joldaýynda turǵyndardyń turmysyn túzep, áleýmettiń áleýetin arttyrýdy aıryqsha aıtyp keldi. Bul baǵytta jandanǵan memlekettik baǵdarlamalar da az emes. Al kúni keshe Memleket basshysy Qasym-Jomart Toqaev Ult kóshbasshysynyń srabdal saıasatyn jalǵap, egemendi elimizdi kemel keleshekke jeteleıtin naqty bes basym baǵytyn aıtty, dep jazady Qamshy.kz aqparat agenttigi. 

Shyndyǵy kerek, búginde Jambyl oblysynda turǵyndardy kógildir otynmen qamtý jumystary qarqyndy júrgizilýde. Bir ǵana Shý aýdanynda birer jyldyń bederinde qolǵa alynyp kele jatqan gaz qubyrlaryn tartý jobasy talaı jurtshylyqtyń alǵysyn aldy. Sondaı-aq Tóle bı aýyly syndy eldi mekendegi halyqtyń ózi kógildir otynǵa qol jetkizip, qýanyshtarynda shek bolmady. Osy syndy ózge aýdandarda da jandanyp jatqan jobalar az emes. Onyń bir parasy Talas aýdanynda kórinis tabýda.

Atap aıtsaq, aýdandaǵy 24 eldi mekeniń Qarataý qalasy men 14 aýyldyq eldi mekenine gaz qubyry tartylǵan. Jalpy eldi meken sanynyń 62,5 paıyzyn quraıdy.

Jalpy gaz qubyry tartylǵan 14 eldi mekenniń 9 eldi mekendegi 1563 úıdiń gazǵa qosylǵany 1554 úı, ıaǵnı 97 paıyz.

Talas aýdanynyń 5 eldi mekeni Bóltirik sheshen, Kóshek batyr, Úsharal, Aral jáne Qaıyrǵa taratylatyn gaz qubyryn salýǵa 2018 jyly 2 mıllıard 344 mıllıon 588 myń teńge bólingen, 2019 jyly 220 mıllıon 840 myń teńge bólinip, jumystar aıaqtaldy. (2017 jyly 2 mıllıard 99 mıllıon 856 myń teńge bólingen).

Atalǵan (Bóltirik sheshen, Kóshek batyr, Úsharal, Aral, Qaıyr) eldi mekenderinde ishki gaz taratý jelisiniń qurylysyna oblystyq bıýdjetten 100 mıllıon teńge bólinip, qurylys-montaj jumystary júrgizilýde. (Smetalyq quny 513 mıllıon teńge).

Sonymen qatar, Aqkól, Qyzyláýit jáne Aqtóbe eldi mekenine gaz qubyryn jetkizý JSQ ázirlenip, memlekettik saraptamadan ótkizildi. Jobanyń quny 3 mıllıard 221 mıllıon 700 myń teńgeni quraıdy. Búgingi tańda oblystyq energetıka baskarmasy arqyly Energetıka Mınıstrligine bıýdjettik ótinim berilgen.

Iá, bul janǵa jylý beretin kórsetkishter. Buıyrtsa talastyqtar tolyqtaı kógildir otynnyń qyzyǵyn kóretin kún alys emes dep senemiz. Ol úshin qazynadan qaralǵan qarjy daǵ naqty jospar men meje de bar. Tek endi belgilengen baǵyttan taımaı, bólingen somany tıimdi paıdalaný qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir