• USD 468.56

  • EUR 497.56

  • RUB 7.3

  • CNY 67.18

29 Naýryz, 18:33:21
Almaty
+35°

Shý aýdanynyń jurtshylyǵy Keńes odaǵynyń Batyry, pýlemetshi jerlesteri Sattar Estemesovtyń týǵanyna 100 jyl tolý merekesin dýmandatyp ótkizdi. Batyr qurmetine arnalǵan sharalardyń bel ortasynan Almaty, Jambyl oblysy men Taraz qalasynan arnaıy qonaqtar tabyldy, dep jazady Qamshy.kz aqparat agenttigi. 

Basqa ózi suranyp, alǵashqylardyń biri bolyp maıdan shebine attanǵan jaýjúrek jaýynger. Ol Smolensk oblysyn azat etý shaıqasyna qatysyp, 24 jasynda erlikpen qaza tabady. Qııan-keski shaıqastaǵy eren erligi eskerýsiz qalmaı Keńes Odaǵynyń Batyry atandy.

Batyr jerlesteriniń ǵasyrlyq toıyn shýlyqtar barynsha sán saltanatpen ótkizdi. Saltanatty sharalar legi Kókqaınar aýyldyq Mádenıet úıi men batyr atyndaǵy mekteptegi keýdemúsinge gúl qoıý rásiminen bastaldy. Munan keıin mereıtoı qonaqtary Shý qalasyndaǵy «Jeńis» saıabaǵyndaǵy Sattar Estemesovtyń eskertkishi mańynda onyń qurmetine bir mınýttyq únsizdik jarııalady. Mektep oqýshylary batyrǵa arnalǵan jyrdan shashý shashty. Kelesi sátte Dármen Smaıyl redaktorlyq etýimen jaryq kórgen «El úshin týǵan Er Sattar» kitabynyń tusaýy kesildi. Bul rásimge qoǵam qaıratkeri Orazgúl Asanǵazy, aýdannyń bir top qurmetti azamattary qatysty.

Al ortalyq alańda ótken arnaıy jıynda aýdan ákimi Jarylqasyn Aıtaqov, qoǵam qaıratkeri O.Asanǵazy, jýrnalıst D.Smaıyl,qalalyq ardagerler uıymynyń tóraǵasy Q.Qarǵabaevtar sóz sóıledi. О́z sózderinde spıkerler bul sharanyń Elbasy Nursultan Nazarbaevtyń ótkendi taný, ólkeden shyqqan tulǵalardy tanýǵa dáripteıtin «Bolashaqqa baǵdar: Rýhanı jańǵyrý» baǵdarlamalyq maqalalarymen úndes ekenin atap ótti. Odan soń aımaq basshysy bir top azamattarǵa «Sattar Estemesov-100 jyl» medalin tabystady.

Tús aýa batyrdyń qurmetine arnaıy as berilip, Quran baǵyshtaldy. Sondaı-aq, dál osy shara sheńberinde Sattar Estemesovtiń aty berilgen atshabardyń tusaýy kesilip, kópshilik alaman, qunan jáne taı báıgelerin tamashalady. Bozbilemde balýandar beldesip, ózara kim myqtyny anyqtady. Aýdandyq Mádenıet úıinde aıtys aqyndary sóz saıysyna tústi. Tipti bul aıtysqa qyrǵyz aqyndarynyń qatysýyn kópshilik shýlyq batyrdyń abyroıy Alataýdan ary asqandyǵymen baılanystyryp jatty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir