• USD 468.56

  • EUR 497.56

  • RUB 7.3

  • CNY 67.18

28 Naýryz, 16:20:20
Almaty
+35°

Shý aýdandyq murajaıy jańa ǵımaratqa kóshirildi. Bul tarıhı jádigerlerdi kózdiń qarashyǵyndaı saqtap, ótken dáýirdiń tynys-tirshiliginen habar beretin nysanǵa jergilikti bıliktiń oń kózqarasyn tanytady. Ári bul ótkendi tanyp, tarıhtan sabaq alýdy úndeıtin Elbasynyń «Bolashaqqa baǵdar: rýhanı jańǵyrý», «Uly Dalanyń jeti qyry» maqalalarynyń negizgi mazmunymen úndesedi, dep jazady Qamshy.kz aqparat agenttigi. 

Buǵan deıin jergilikti, respýblıkalyq basylymdardyń betterinde Shý aýdandyq murajaıynyń tozyǵy jetken ǵımaratta kúneltken múshkil hali baıandalǵan maqalalar jaryq kórgen bolatyn. Dál osy kemshilikterdi tez arada joıyp, murajaı qoryndaǵy 4 275 jádigerdi yńǵaıly orynǵa ornalystyrýdy qolǵa alǵan jergilikti bılik aýdan ortalyǵy Tóle bı aýylyndaǵy meıramhana ǵımaratyn 3 mıllıon 760 myń teńge satyp alady. Ony murajaıǵa laıyqty etip qaıta jabdyqtaý jumysyna 36 mıllıon 670 myń teńge qarjy qarastyryldy.

Jalpy Shý aýdandyq murajaıy 1986 jyldan beri jumys jasap keldi. Al 1989 jyldan bul nysan Jambyl oblystyq ólketaný mýzeıiniń Shý aýdandyq bólimi bolyp qaıta quryldy.

Jańa ǵımaratqa qonystanǵan mýzeı ǵımaraty endigi kezekte ólke tarıhyna qyzyǵýshylyq tanytqan aýdan turǵyndary men qonaqtaryna laıyqty qyzmet kórsetip, qajetine jaraýdy maqsat etip otyr.

–Qazir murajaıda meńgerýshi men kishi ǵylymı qyzmetker jáne baqylaýshy jumys jasaıdy. Mýzeı qory 4275 jádigerdi quraıdy. Barlyq jádigerler tarıhı kezeńder, dataly ýaqyttaryna jáne mańyzdylyǵyna qaraı bes bólimnen turady. Atap aıtqan mýzeı kelýshileriniń talǵamyna qaraı arheologııa, etnografııa, tarıhı kezeń, Shý óńiri jáne Táýelsiz Qazaqstan bólimderindegi jádigerlermen tanysa alady. Mundaǵy arheologııa bólimine tutastaı orta ǵasyrdaǵy ólke tarıhynan syr shertedi. Al tarıhı kezeńder bólmesinde aýdandaǵy Aýǵan soǵysyna qatysýshylar jaıynda mol maǵulmat beredi. Munda olardyń maıdan dalasynan jazǵan hattar jáne qoldanǵan turmystyq zattary qoıylǵan. Buǵan deıin mýzeı ǵımaraty eski ǵımarattyń qýyqtaı bólmesine ornalasqan da turǵyndar onda qolda bar qundy zattaryn tapsyrýǵa qulyqty bolmady. Endi mýzeıdiń jańa ǵımaratyn kóshkeninen habardar shýlyqtar onyń qoryn tolyqtyrýǵa atsalysady degen senimdemiz, –deıdi murajaı meńgerýshi Aıda Berdenova.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir