• USD 389.52
  • EUR 429.21
  • RUB 6.07
  • CNY 54.94
17 Qazan, 12:07:39
Prezıdenttik jastar kadr rezervine irikteýdiń kelesi kezeńine 904 qatysýshy ótti

24 Qyrkúıek, 2019 Aımaqtar

Jambylda medısına salasyn sıfrlandyrýdyń sharapatyn alys aýyldarda sezinip jatyr

Elbasy Nursultan Nazarbaev árqashan qoǵam ómiriniń jekelegen salalaryn sıfrlandyrý olardyń damýyna jaǵdaı jasaýǵa jiti nazar aýdaryp keledi. Mundaı júıe ásirese medısına salasyna qajet-aq. Elbasynyń sıfrlandyrý týraly bastamasy T.Rysqulov aýdanynyń ortalyǵy Lýgovoı aýyldyq emhanasynda ońtaıly kádege jarap keledi, dep jazady Qamshy.kz aqparat agenttigi. 

Elbasy óz Joldaýlarynyń birinde 2019 jyldyń 1 qańtarynan bastap barlyq emhanalar men aýrýhanalar medısınalyq qujattardy qaǵazsyz, sıfrlyq nusqada júrgizý máselesine aıryqsha nazar aýdarǵan edi. Sáıkesinshe sol strategııalyq qujatta jergilikti turǵyndardyń elektrondy densaýlyq pasporttaryn jasaýǵa, kezekter turýdyń, bıýrokratııany joıýǵa, qyzmet kórsetý sapasyn arttyrýǵa múmkindik beretindigi de aıtylǵan edi. Atalǵan mańyzy zor qujat júktegen jaýapkershiligi mol mindettiń údesinen shyǵýda T.Rysqulov aýdany ortalyǵynda turatyn 9960 adamǵa qyzmet kórsetetin Lýgovoı aýyldyq emhanasynda birqatar sharýalar qolǵa alynǵany qýantady. Búginde emhanada 40-tan astam medısınalyq qyzmetker qulandardyń dertine daýa tabý jolynda ter tógýde. Densaýlyq saqshylary táýligine 75 emdelýshige sapaly medısınalyq qyzmet usyna alady. Emhana ujymy 6 jalpy tájirıbelik dáriger men 29 orta býyndy medısınalyq qyzmetshiden turady.

–Emhananyń materıaldyq tehnıkalyq áleýeti tolyǵymen jańa zaman suranysyna saı keledi. Barlyq qyzmetkerlerge kompıýterlik qondyrǵylar qoljetimdi. Olardyń barlyǵy derlik joǵary jyldamdyqtaǵy ǵalamtorǵa qosylǵan. Emhana mamandary sıfrlandyrý júıesi arqyly jumys jasaýǵa kóshken. Onyń ishinde emdelýshilerdi basqarýdyń elektrondy júıesimen birge «Damýmed», avtomattandyrylǵan aqparattyq júıe syndy baǵdarlamalardy qoldanamyz. Bul baǵdarlamalarmen arnaıy oqý kýrstarynan ótken 5 dáriger men 13 orta býyndy meıirbıke jumys jasaıdy. Aldaǵy ýaqytta emdelýshilerge sapaly qyzmet kórsetýdiń barlyq salalary sıfrly formatqa kóshedi. Densaýlyq saqtaý mınıstrliginiń buıryǵyn basshylyqqa ala otyryp, naýqastardy tegin dári-dármekpen qamtý jumystaryn da elektrondy rejımde júrgizip kelemiz, –deıdi Lýgovoı aýyldyq emhanasynyń aǵa meıirbıkesi Qaldykúl Nurseıitova.

Áriptesiniń oıyn quptaǵan akýsher Mıra Rysaldıeva salany sıfrlandyrý qaǵazbastylyqtan arylýdyń joly ekendigin rastaıdy. Turǵyndar da dárigerlerdiń saǵattap qaǵazdan bas almaı qujat toltyrýǵa ketetin ýaqytyn sapaly qyzmet kórsetýge arnaǵanyna dán rıza.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir