• USD 389.52
  • EUR 429.21
  • RUB 6.07
  • CNY 54.94
18 Qazan, 13:21:50
Sarapshylar joldaýdyń júzege asyrylýyn talqylady

25 Qyrkúıek, 2019 Aımaqtar

Qulandyq kásipker qymyz óndirisin qolǵa aldy

Elbasy Nursultan Nazarbaevtyń «Uly Dalanyń jeti qyry» atty maqalasynda qazaqtyń qadym zamannan bergi turmys tirshiliginiń jylqy malymen baılanysty ekeni aıtylady. Qambar ata túligin qolǵa úıretken de qazaqtar. Tipti onyń súti san túrli dertke shıpa bolatyndyǵyn aıtyp, kúndelikti qymyz ishý de qazaqtyń kúndelikti daǵdysyna aınaldyrǵan. Osy oraıda, T.Rysqulov aýdanyndaǵy Rahym Sábdenov aýylynyń turǵyny Zamıra Eleýsinova ata kásipti jalǵastyryp, qymyz óndirisin jolǵa qoıýdy maqsat etip otyr, dep jazady Qamshy.kz aqparat agenttigi. 

Myń túrli dertke em qymyzdy kásip kózine aınaldyrǵan Zamıra bul iske bilek sybana kirisken. О́tken jyly «Aýyl sharýashylyǵyn qarjylaı qoldaý qorynan» 3 mıllıon teńge nesıe alǵan kásipker oǵan 7 bas analyq jylqy satyp alǵan. О́z kásibin órkendetýge shyndap kirisken ol «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda «Bastaý» jobasynyń múmkindigin paıdalanyp kásipkerlik negizderin oqyǵan.

– Qazir jeke kásipti jolǵa qoıý ekiniń biriniń oıynda júrgenimen oǵan táýekel etetinder az. Biz de kúıeýim Janat ekeýmiz uzaq ýaqyt oıǵa alǵan osy sharýanyń tigisin jatqyzýdy uzaq oılastyryp aqyry ata kásip mal sharýashylyǵymen aınalysýǵa bel býdyq. Onyń ishinde Qambar ata túligin qamqorlyqqa alyp, onyń qymyzyn óndirýdi maqsat ettik. Bul josparymyzdy elimizdegi turmysy tómen otbasylardyń bızneske jolyn ashqan «Bastaý» jobasy paıdamyzǵa jarady. Búginde oıǵa alǵan kóp sharýany iske asyra aldyq. Kúıeýim jylqynyń kútip-baptaýmen aınalysady,- deıdi Zamıra Satylǵanqyzy.

Osylaısha qymyz óndirisin otbasylyq kásip etýdi qunttaǵan qulandyq kásipkerdiń shaǵyn jáne orta bıznesti damytýǵa mol múmkindik bergen Prezıdentke aıtar alǵysy sheksiz.

–Árıne kásipkerlik qoldaý bar jerde ǵana qanatyn keńge jaıady. Sondyqtan qazir elimizdiń kez kelgen turǵynynyń turmysyn tikteýde memleketke ıek artyp jeke kásipker atana alatyndyǵyna kóz jetkizdim. Bastysy nıet bolsa boldy. Qymyz óndirisin qolǵa alǵan kásipker retinde aldaǵy ýaqytta bul naryqta ózindik brend qalyptastyrýdy maqsat etip otyrmyn, –dep oıyn jalǵady jeke kásipker.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir