Jambylda jekemenshik balabaqshalardyń sany artyp keledi

Elbasy Nursultan Nazarbaev elimizdegi mektepke deıin tárbıeleý isine aıryqsha nazar aýdaryp, keler jyly búldirshinderdi balabaqshamen qamtý máselesin túbegeıli sheshýdi tapsyrǵany este. Osy oraıda T.Rysqulov aýdanynda jekemenshik balalardyń sany artyp keledi. Jaqynda ǵana ashylǵan «Aziza» bóbekjaı balabaqshasy aımaqtaǵy toǵyzynshy jeke menshik balabaqsha bolyp tabylady, dep jazady Qamshy.kz aqparat agenttigi. 

T.Rysqulov aýdany jurtshylyǵyna «Balapan» baǵdarlamasynyń sharapatyn sezinýge múmkindik bergen jeke kásipker Serikbaı Dálibaevtyń demeýshiligimen jaqynda ǵana «Aziza» bóbekjaı balabaqshasy paıdalanýǵa berildi. Munda 75 qulandyq búldirshin mektepke deıingi tárbıe jumystarymen qamtylatyn bolady.

–Bóbekjaı balabaqshada búldirshinder mektepke deıingi tárbıe jumystaryna tartylyp qana qoımaı túrli úıirmeler arqyly ózderiniń shyǵarmashylyq qabiletterin shyńdaıdy. Sondaı-aq balabaqsha tárbıelenýshilerin arnaıy mamandar sportqa da baýlıdy. Bul sharalar búldirshinderdi sportqa baýlýdy tetigi retinde qarastyrylyp otyr, –deıdi bóbekjaı balabaqshasynyń meńgerýshisi Amına Iýldasheva.

Aldaǵy ýaqytta aýdanda taǵy bir jekemenshik balabaqshanyń ashylýymen aımaqtaǵy mektepke deıingi tárbıe berý mekemelerimen qamtý máselesi 100 paıyz sheshimin tappaq.

Aıtpaqshy balabaqsha máselesi túbeıgeli sheshilgeli turǵan aýdan turǵyndary Jastar jyly qarsańynda taǵy bir tyndyrymdy tirliktiń kýágeri atandy. Aýdandaǵy Abaı aýyldyq okrýginde «Jastar jylyna» oraı jastar ortalyǵy paıdalanýǵa berildi. Atalmysh ortalyq jastardyń bos ýaqytyn tıimdi uıymdastyrýda sporttyq úıirmeler men qatar shyǵarmashylyqqa baýlý jumystaryn júrgizedi. Ara tura munda jastarǵa arnalǵan túrli formattaǵy is sharalar turaqty ótkzilip turady.

Aýyl turǵyndary da osynaý ǵımarattyń paıdalanýǵa berilýin erekshe qýanyshpen qabyldap onyń aınalasyn tazalaý, kógerishtendirý jumystaryna óz erikterimen úles qosqan. Eldi mekendegi orta mektepti 20 jyl buryn támamdaǵan túlekter ortalyq mańyna shyrsha aǵashtary kóshetterin otyrǵyzǵan eken.

Bul ıgi sharalar Turar Rysqulov aýdanyndaǵy memlekettik jastar saıasaty men bilim berý isine aıryqsha kóńil bólinip kele jatqandyǵyn aıǵaqtaıdy.