Jambylda 9 búldirshindi patronttyq tárbıege aldy

Kisige qaıyrymdylyq jasaýda qazaqtaı janashyr, qazaqtaı meıirban ult joq shyǵar. О́zgeniń qaıǵysyn, muń-zaryn ózi bastan ótkizgendeı bolatyn bizdiń halyq jetim men jesirdi jylatpaýdy qadym zamannan túsingen. Búginde aramyzda osy bir qanǵa sińgen qasıetten aınymaı júrgen zamandastarymyz jetkilikti. T.Rysqulov aýdanynyń turǵyny Botagóz Bakeeva 9 balany baýyryna basyp, qamqorlyǵyna alǵan jan, dep jazady Qamshy.kz aqparat agenttigi. 

Botagóz Bolatqyzy T.Rysqulov aýdany ákimdiginiń bilim bóliminde ádisker bolyp eńbek etedi. О́z qyzmetinde búldirshinderdiń mektepke deıingi bilimi men tárbıesimen aınalysatyn mamannyń 4 balasy bar. Oǵan qosa ol oblystyq ómirlik qıyn jaǵdaıdaǵy balalardy qoldaý mekemesi men «Úmit» bóbekter úıiniń tárbıelenýshisi bolǵan 9 balany patronattyq tárbıege alǵan. Keıbireýler jatyryna bitken balany ómirge ákelýde turmystyq jaǵdaıdy alǵa tartatyn shaqty 13 balanyń asyl anasy atanǵan B.Bolatqyzynyń bul áreketin shynynda batyl qadam dep baǵalaý bolady. Al onyń ózi bul áreketin bala kúninen otbasynda jalǵyzilikti bolyp ósýimen baılanystyrady.

–Men 10 jasyma deıin úıdegi jalǵyz bala boldym. Inim 10 jyldan keıin dúnıe esigin ashty. Esimdi bilgen shaqtan kórshi úıdiń balalary baýyrlarymen asyr salyp oınap jatqanda olarǵa qyzyǵa da qyzǵana da qaraıtynyn. Sol kezden ózime kóp balaly ana atanamyn degen maqsat qoıdym. Mine jaqynda osy armanym oryndalǵandaı boldy. О́zim Allanyń berge 4 balasyn dúnıege ákelip, tárbıeledim. Oǵan qosa joldasymmen aqyldasyp 9 balany patronattyq tárbıege alýǵa uıǵardyq.

Rasynda bul iske bekingende múmkindik bolsa qazaq balalaryn asyrap alýdy durys kórdik. Alaıda ómirlik qıyn jaǵdaıdaǵy balalardy qoldaý mekemeleriniń birqatarynda bolǵanymyzben olarda qarakóz qazaq búldirshinderdi tabý múmkin bolmady. Aqyry úlkenderdiń kelisimimen ózge ult ókilderinen týǵan balalardy da qamqorlyqqa alýdy jón sanadyq,–deıdi B.Bolatqyzy.

Botagóz kelin bolyp túsken Sábıtbaı aqsaqal men Dına ájeıdiń kindiginen taraǵan ul-qyzdarynan 11 nemeresi bar.

–Olardyń qataryn taǵy 9 búldirshin tolyqtyryp, qýanyshymyz eselene tústi. Túr-túsi basqa demeseń bul balalar qazaq tilin erkin meńgergen. Arasynda qazaq synyptarynda oqyp júrgenderi de bar eken. Aǵaıyn-týys, dos-jaran Baýyrjan men Botagózdiń bul sheshimderin qos qoldap qoldaıdy,–deıdi Dına ájeı.

Jalpy oblystaǵy aýdandarda buǵan deıin Isaevtar sııaqty 9 birdeı balany baýyryna basqan otbasy bolmaǵan eken. О́z kezeginde oblystyq ómirlik qıyn jaǵdaıdaǵy balalardy qoldaý mekemesi tárbıelenýshileri jańa otbasyna baýyr basqanǵa deıin ártúrli áleýmettik jáne psıhologııalyq kómekter kórsetip turady.