• USD 468.56

  • EUR 497.56

  • RUB 7.3

  • CNY 67.18

29 Naýryz, 06:35:18
Almaty
+35°

Men osyǵan deıin 21000 teńge jaıly talaı ret jazdym. Búgin jańa depýtat bolǵan Dana Nurjigit qaryndasymnyń taqyrypqa baılanysty bildirgen pikirine jaýap jazǵaly otyrmyn... Aldymen qaryndasym depýtat bolar aldynda "dıirmenge túskeli bara jatyrmyn" degen, Danaǵa sáttilik tileı otyryp, men "tek dıirmenge túsip unǵa aınalyp ketpe" dep eskertý de jasaǵanmyn...
Jaraıdy, qaryndasym óz pikirinde bes balaly medbıke jaıly jazypty, negizi ol bala qusap, birneshe jerde eden jýyp nesibesin taýyp júrgender jetkilikti, aınalaıyn, Dına!..
Shynymen, "masyl" bolyp, jumys istegisi kelmeıtinder de bar, ony da jasyrýǵa bolmaıdy. Biraq ondaılar neken-saıaq...
Negizgi másele: jumyssyzdyq pen baspananyń joqtyǵy, jalaqynyń jetimsizdigi, kúnkóris deńgeıiniń tómendigi!... Nege Nazarbaev kúnkóris deńgeıin tómengi jalaqydan azaıtyp tastady, 1414 teńgege ǵana kóterdi, 28698, al tómengi jalaqyny 42500 qyldy. Nege ekeýi teń emes, nelikten ekenin tolyq esepteýlermen buryn jazbalarymda kórsetkenmin... Bul da aldap-arbaýdyń bir túri!..
Eń negizgi nárse mynaý, shyraǵym: halyqqa tıesili nárseni "memleket berip jatyr" demeı, AÁK demeı, Qazaqstan tabıǵı resýrstar baılyǵynan, ken baılyǵynan, ana Mashkeevıch, Shodıev, Mıttal taǵy basqalar tegin alyp ketip jatqan jer-ana baılyǵynan ár Qazaqstan azamatynyń, ár dúnıege kelgen sábıdiń úlesin bersin, bılik! Bıliktiń klandarymen shetel kompanııalary ǵana kóretin paıdadan halyqqa ne paıda? "Investısııa, ınfrastrýktýra, jol, qurylys, anaý-mynaý.." degen syltaýdyń qajeti shamaly, olardyń qanshalyqty oryndalyp jatqany da halyqqa belgili. Kompanııalardaǵy áleýmettik teńsizdikter nege turady!..
Jaraıdy qaraǵym, basyńdy kóp aýyrtpaıyn, halyqqa pikirińdi jetkizý úshin aldymen halyqtyń "topas" emestigin emestigin umytpańdar!
21000 teńge emes, halyqqa ata-babasy amanat etken Jer-anadan ózderine tıesili nesibesin berińder, másele sol, shyraǵym!
Halyq eshteńe suramaıdy, ózine tıesilini talap etedi!..
.. Saǵan tilegim, halqyńa qyzmet etemin deseń, meniń joǵarydaǵy eskertýimdi umytpa! Depýtattardyń ishinde "ańdamaı sóılep, aýyrmaı aýzynan avarııa bolyp jatqandar jetkilikti, qaraǵym! Bul aǵalyq aqylym (dúnıede aqyl aıtý ońaı ǵoı), artyq aıtsam aıyp etpe.
... Al taqyrypqa oralsaq, halyq talaby oryndalmasa, halyq birikse, kez kelgen qamaldy alady! Halyq qýaty - birlikte! Osy esterińde bolsyn, oılan bılik!

Sanat Súgiráli

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir