• USD 389.52
  • EUR 429.21
  • RUB 6.07
  • CNY 54.94
17 Qazan, 12:16:29
Prezıdenttik jastar kadr rezervine irikteýdiń kelesi kezeńine 904 qatysýshy ótti

25 Qyrkúıek, 2019 Aımaqtar

Jambyldyq jampoz – álem chempıony!

Almaty qalasynda dzıýdodan jasóspirimder arasynda álem chempıonaty shymyldyǵyn túrip, jarystyń alǵashqy kúni súıinshi habar jetti. Álemniń 64 eliniń kil myqty balýandary baq synap jatqan básekede jambyldyq jampoz Nurqanat Serikbaev altynnan alqa taǵyp, abyroıymyzdy asqaqtatty dep jazady Qamshy.kz aqparat agenttigi. 

50 kelide bozkilemge kóterilgen Nurqanat aqtyq aınalymǵa deıin qarsylas shaq keltirmeı, fınalda fransııanyń balýany Romen Valademen kúsh synasty. Negizgi ýaqytta birin-biri ala almaǵan jekpe-jektiń taǵdyryn sońǵy mınýttaǵy sátti ádis sheshti. Urymtal sátte qarsylasyn edenge alyp urǵan Nurqanat ony sol boıy bosatpady. Nátıjesinde jerlesimiz álem chempıony atandy.

Jaraısyń, Nurqanat! Jeńisiń qutty bolsyn!

Jalpy 25-29 qyrkúıek aralyǵy ótetin baıraqty básekede el namysyn 32 sporty qorǵaýda. Uldar arasynda Ermahan Amandyq (-50 keli), Nurqanat Serikbaev (-50 keli), Qaıyrjan Júnisbek (-55 keli), Aslan Les (-55 keli), Ádil Marlen (-60 keli), Tilegen Tynarbaı (-66 keli), Taıman Nurǵalıev (-66 keli), Atabek Turlybaev (-73 keli), Serikbol Estaı (-73 keli), Muhamedáli Mavlıdov (-81 keli), Aıdar Arapov (-81 keli), Nurasyl Bolat (-90 keli), Qaıratbek Sábıt (-90 keli), Jurqamyrza Shúkirbekov (+90 keli) jáne Baqtııar Súrtebaev (+90 keli) ulttyq qurama sapynda óner kórsetedi.

Qyzdar synynda Álıma Jumaǵalıeva (-40 keli), Kundyz Jylqybaı (-44 keli), Dıana Býrkeeva (-44 keli), Arýjan Erejepova (-48 keli), Balnur Ábdeshova (-48 keli), Aıym Jumaǵalıeva (-52 keli), Aıana Satqynalıeva (-52 keli), Aıaýlym Qýanysheva (-57 keli), Shapaǵat Daýlet (-57 keli), Shynar О́zbekova (-63 keli), Dıana Telbaeva (-63 keli), Daıana Talǵat (-70 keli), Symbat Dúısenbaı (-70 keli) jáne Madına Paraǵulova (+70 keli) júlde jolynda baryn salmaq.

Al Mixteam. Komandalyq jarysta Nursýltan Zaızaǵalıev (-60 keli), Raýan Nazyrhanov (+90 keli) jáne Karına Takıeva (+70 keli) kók baıraǵymyzdyń astynda óner kórsetedi.

Mine, osy saqa sańlaqtarymyzǵa elimiz senim artyp otyr. Árıne dúbirli dodalarda birde baq, birde bap shaýyp jatatyny belgili. Alaıda jarystyń alǵashqy kúni jambyldyq jampozdyń júzden júırik shyǵyp jatqany qalǵan balýandarǵa da jeńiske degen jiger beredi dep úmittenemiz.

Alǵa, Qazaqstan! Jeńisti joryqtaryń jalǵasa bergeı!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir