• USD 389.52
  • EUR 429.21
  • RUB 6.07
  • CNY 54.94
17 Qazan, 12:10:33
Prezıdenttik jastar kadr rezervine irikteýdiń kelesi kezeńine 904 qatysýshy ótti

19 Qyrkúıek, 2019 NEWS

Atyraý oblysynyń ákimi Atyraý – Astrahan jolynyń jóndeý jumysymen tanysty

Respýblıkalyq mańyzǵa ıe 277 shaqyrym tas joldyń búginde 60 shaqyrymynda jóndeý jumystary qarqyndy júrip jatyr. Qazirdiń ózinde 6 shaqyrymǵa asfalt tóselgen, – dep habarlaıdy Atyraý oblysynyń О́ńirlik kommýnıkasııalar qyzmeti.

Qurylys jumystaryna 300-ge jýyq adam, 150-den astam tehnıka jumyldyrylǵan. Josparǵa sáıkes, Atyraý – Astrahan tas jolynyń 60 shaqyrymdyq qurylysyn aıaqtaý eki jylǵa josparlanyp otyr.

Oblys ákimi Nurlan Noǵaev qurylystyń jaǵdaıymen tanysyp, merdiger mekemege birqatar tapsyrmalar berdi.

– Bul elimizdegi mańyzy bar tas joldardyń biri. Kórshiles Reseı elimen baılanystyratyn bul tas jolmen kóptegen kólikter qatynaıdy. Sol sebepti bul joldyń sapaly jáne ýaqtyly tapsyrylýy qajet. Bul jumystar ońtaıly iske assa, jolaýshylar ýaqytyn eki ese únemdeıdi. Sonymen qatar, Reseımen eki jaqty qarym-qatynas nyǵaıyp, saýda-sattyq salasy damıtyn bolady, – dedi aımaq basshysy.

Atyraý – Astrahan tas jolynyń eni 9 metr, konstrýksııalyq qalyńdyǵy 65 sm bolady. Tas joldyń boıynda ornalasqan barlyq eldi mekenderdiń tusyna mal ótetin ótkelder men avtobýs aıaldamalary, kólik turaǵymen qosa kópirler salynbaq.

Tas joldyń 60 shaqyrymynda jóndeý jumysyn júrgizip jatqan merdiger mekeme, qalǵan 217 shaqyrym joldyń 80 shaqyrymyn jóndeý úshin qujattardy rásimdeýde. Qujattar rettelisimen jumystar bastalatyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir