• USD 389.52
  • EUR 429.21
  • RUB 6.07
  • CNY 54.94
15 Qazan, 10:43:38
Ermekbaev: Jumys qaýipti, ómirleri úshin qaýip-qater bar

20 Qyrkúıek, 2019 NEWS

Nurlan Noǵaev: «Balyq júretin kanaldardyń túbin tereńdetý jumystary sapaly jasalýy tıis»

Atyraý oblysy ákimi Nurlan Noǵaev Qıǵash ózeninde bolyp, onyń túbin tereńdetý jumystarynyń barysymen tanysty, – dep habarlaıdy Atyraý oblysynyń О́ńirlik kommýnıkasııalar qyzmeti.

Qıǵashta ózen túbin tereńdetý boıynsha 48,7 shaqyrym uzyndyqta jumystar atqarylǵan. 47 shaqyrym shaıý kartalary jaılastyrylyp, teńiz bóliginde 33,6 shaqyrym kanal jasaldy. Qazir jumystar jalǵasýda, 7 birlik arnaıy tehnıka tartylyp otyr. Qıǵash ózeniniń sýlylyǵyn arttyrý jáne gıdrologııalyq rejımin jaqsartý jobasynyń ýchaske bastyǵy Dıdar Álipovtiń aıtýynsha, qajetti deńgeıdi qumnan jáne basqa da shógindilerden saqtaý úshin mamandar 20-30 santımetrge tereńirek qazýǵa tyrysady.

–  Bizdiń mindetimiz – Ganıýshkın kanalyn, soǵan kiretin Jarqosyn, Navınskıı kanaldarynyń túbin tereńdetý. Joba boıynsha eni 25 metr, tereńdigi 2,5 metr qylyp qazýymyz kerek. Balshyq sorǵyshtary (zemsnarıady) ekinshi jyl jumys istep jatyr, ret-retimen jasalýda. Qıyndyq týǵyzatyn jaǵdaı – keıbir jerlerde ózen túbi qatty lastanǵan, temir-tersek, aý quraldary kóp. Bundaı jerlerdi tehnıka úlken qıyndyqpen ótedi, keıde ony jóndeýge májbúrmiz, – dedi D.Álipov.

Aıta keteıik, merdiger kompanııa Jaıyqta da ózen túbin tereńdetý jumystaryn júrgizýde. Búgingi kúnge 5 birlik arnaıy tehnıkanyń kómegimen 17,5 shaqyrym uzyndyqta ózen túbin tereńdetý jumystary jasaldy. Teńiz bóliginde 3 shaqyrym kanal qazyldy jáne 21,3 shaqyrym shaıý kartalary jaılastyryldy.

–  О́zen túbin tereńdetý jumystary sapaly jáne tyńǵylyqty júrgizilýi tıis. Bul óńirdiń balyq sharýashylyǵyn damytýǵa tyń serpin beredi jáne Jaıyq , Qıǵash ózenderiniń ekologııalyq ahýalyn aıtarlyqtaı jaqsartady, – dedi N.Noǵaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir