• USD 389.52
  • EUR 429.21
  • RUB 6.07
  • CNY 54.94
18 Qazan, 13:10:52
Sarapshylar joldaýdyń júzege asyrylýyn talqylady

23 Qyrkúıek, 2019 Mańǵystaý oblysy

Salaýatty ómir -densaýlyq kepili

Salaýatty ómir saltyn qalyptastyrýdyń eń tıimdi ári tanymal túri-sýda jattyǵý. Bul ádis Kaspıı teńizi jaǵasyndaǵy aqtaýlyqtardyń ómir saltynyńajyramas bóligine aınalǵan desek artyq emes. Osy maqsatta 10 jylǵa jýyq jumys istep kele jatqan «Aqtaý Fit life»sport kesheniniń orny aıryqsha.

Aqtaýdaǵy halyqaralyq, respýblıkalyq jarystar, paraolımpıada syndy aıtýly dodalar ótetin joǵary talapqa saı nysan. Basseınge aıyna 4 myń adam keledi eken. Sport mektebiniń oqýshylary, túrli mekemelerdiń jumysshylary, belgili sportshylar kelisimshartpen osynda jattyǵady.Budan bólek, buqara halyq arnalǵan ýaqyt ta bar. Ardagerler, kópbalaly otbasy músheleri, jaǵdaıy tómen januıanyń balalaryna jeńildikter qarastyrylǵan. Jattyqtyrýshy Mıraj Ertileýov osy oryn ashylǵannan beri eńbek etip keledi. 5 pen 16 jas aralyǵyndaǵy balalardy jattyqtyrady. Kelýshilerdiń ishinen talantty jetkinshekterdi iriktep, jarystarǵa qatystyryp, sport mektebine qabyldanýǵa yqpal etedi.

-Munda kelýshilerdiń jasyna shekteý joq. О́z jumys ádisimdi qalyptastyrdym. Ásirese, 5 jasar balalardy jattyqtyrý jolym óte nátıjeli. Aptasyna 3 ret 45 mınýttan jattyǵamyz. Balalardy jarystarǵa jıi qatystyramyz,- deıdi Mıraj Ertileýov.

Osynda saýyqtyrý sharalaryna arnalǵan baǵdarlamalar da bar. Sondyqtan da júrek syrqatyna shaldyqqandar, arqa qısyǵy, gıper belsendi balalardy emdeý úshin júzý jattyǵýlar jasalady. Dárigerlerdiń nusqaýymen kelip dertine daýa tapqandar kóp.

Teńelbek Sabyrov 14 jasta. «Týmysyman kemtar bop týǵanmyn. Keýde qýysym qısaıǵan. Dárigerdiń keńesimen 3 jyldan beri osynda jattyǵamyn. Sýda jattyǵýdensaýlyǵymnyń aıtarlyqtaı jaqsartýna úles qosty»,- deıdi ol.

Al, Shakıra Romanova-sportshy. 10 jasynda kelgen ol bastapqyda qyzyq úshin, endi sporttaǵy jetistigin shyńdaý úshin qatysyp júr. 15 sekýndta 25 metrdi júzip ótetin jetkinshek qyz úshin árbir jeńisi qýanysh. Kompıýter aldynda oıyn oınap, telefon shuqylaýmen ýaqyt ótkizbeı, densaýlyqqa paıdaly hobbı tapqanyna rıza.

-Bizdiń basseınde 3 jattyqtyrýshy bar. Alǵash kelýshilerdi tereńdigi 50 sm shaǵyn basseınde úıretip alamyz. Ábden ıgergen soń úlken basseınge aýystyramyz. Aıtýly sharalar da jıi ótedi. Jarysta órermenderge arnalǵan 200 oryn bar. Júzýge arnalǵan 8 dáliz joly, uzyndyǵy 25 metr, tereńdigi 3 metr bolatyn basseın halyqaralyq talaptarǵa saı keledi, deıdi «Aqtaý Fit life» sport kesheniniń basqarma basshysy Shynar Sharıpova.

Salaýatty ómir saltyn qalyptastyratyn orynda qaýipsizdik sharalary qatań saqtalady. Arnaıy mamandar sýdyń tazalyǵy menjylýyn kúnine birneshe márte tekseredi. Sý tazalaý, ýltra kúlgin sáýlelermen zalalsyzdandyrý avtomatty júıede júredi. Qaýipsizdik beldigi, taqtaısha, keýdeshe, sheńbermen tolyqtaı qamtamasyz etilgen. Jattyqtyrýshylar men qutqarýshylar kúni boıy jumys isteıdi. Bul nysan jyldyń barlyq maýsymynda salamatty ómir súrýdi qamtamasyz ete bermek. 111111

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir