«Nur Otan» úsh azamatty sotqa bermek

«Nur Otan» partııasy jalǵan aqparat taratqany úshin S.Zakırov, M.Turymbetov jáne A.Ilıashev esimdi azamattardyń ústinen sotqa talap aryz berdi dep jazady Qamshy.kz aqparat agenttigi partııanyń baspasóz qyzmetiniń deregin negizge alyp.

О́ıtkeni buǵan deıin jaýapkerler partııa qurýǵa kedergi keltirdi degen jeleýmen birneshe ret «Nur Otan» partııasynyń ústinen sotqa shaǵymdandy. Partııaǵa taǵylǵan bul aıyptaý áleýmettik jeliler men BAQ-ta keńinen taraldy.

«Saıası partııalar týraly» Zańnyń 10-babynyń 1-tarmaǵyna sáıkes saıası partııany memlekettik tirkeýdi Qazaqstan Respýblıkasynyń Ádilet mınıstrligi ǵana júzege asyrady. Demek, «Nur Otan» partııasy basqa partııalardy tirkeý isine qatysa almaıdy, onyń ústine, bul másele boıynsha bireýge kedergi keltiretindeı múmkindigi de joq.

Sondyqtan «Nur Otan» partııasy bul áreketti qoǵamdyq birlestiktiń bedeline nuqsan keltirý úshin jasalǵan dep esepteıdi. Soǵan baılanysty «Nur Otan» partııasy Qazaqstan Respýblıkasynyń Azamattyq kodeksiniń 143-babyna sáıkes tıisti talappen Almaty qalasynyń Jetisý aýdandyq sotyna júgindi.