• USD 389.52
  • EUR 429.21
  • RUB 6.07
  • CNY 54.94
17 Qazan, 12:18:36
Prezıdenttik jastar kadr rezervine irikteýdiń kelesi kezeńine 904 qatysýshy ótti

25 Qyrkúıek, 2019 NEWS

"Mıtıngke shyqqan analar nege úı kezegine turmaıdy?" (vıdeo)

Elordada mıtıngke shyqqan adamdardyń áreketi zańsyz. О́ıtkeni bul sherýge ákimdik ruqsat bermegen. Osy sebepti qoǵam tynyshtyǵyn buzǵandardyń keıbiri ustaldy. Jergilikti bılik ókilderi osylaı deıdi. Sonymen kóshede shý kótergenderdiń kóksegenderi ne? Talaptary oryndy ma?

Kóshege shyǵyp urandatqandardyń deni áıelder. Talaptary – «bas qaladan baspana berińder!» Biraq bul zańsyz emes pe?! Oılańyzshy, bireýler birneshe jyldap úı kezeginde turady. Al sherýletip, shýlaǵandar páterge ıe bola qalady dep jazady Qamshy.kz aqparat agenttigi 24.kz saıtynyń deregin negizge alyp. 

Mysaly, bul bir emes, tórt balany tárbıelep otyrǵan ana. Ulynyń múmkindigi shekteýli. Otbasynda jeti adam. Sol jeteýdiń bári kólemi nebári 13 sharshy metr bolatyn myna bólmeni jaldap turyp jatyr. 13 jyldan beri úı kezeginde. Endi kóshede sherýletkenderge kezekten tys baspana berile salsa, ádildik bola ma? 

Baıan Adııarova qala turǵyny:

— 15 áıel mysaly mıtıngke shyǵyp, olar úı surap jatyr. Biz sııaqty olarda ocheredke tursyn. Ol zańsyz ǵoı. Bizdiń aldymyzdan attap úı alyp ketetin bolsa. Biz de mine 13 jyldan beri kútip otyrmyz. 

Mynany qarańyz, osy kezge deıin kóshege shyǵyp tegin baspana talap etkenderdiń deni tizimde bolmaı shyqqan. Iаǵnı úıdi kezekten tys suraǵandary ǵoı. Qıt etse «sherýge shyǵý» degen daǵdyǵa aınalyp bara jatqan joq pa? Abaısha aıtsaq, qur aıǵaı baqyrǵan, qulaqqa án be eken? Tipti bılikten baspana suraǵandardyń basym kópshiligi eńbek etýge de qulyqsyz.  Usynǵan jumysty istegileri joq. 

Raýshan Sársenbaeva Qazaqstannyń isker áıelderi qaýymdastyǵynyń prezıdenti:

— Almaty qalasy boıynsha biz 120 jumys ornyn usyndyq. Nur-Sultan qalasynda da eńbek kúshi jetispeıtin kásiporyndardyń tizimin jasadyq. Elordada 16 áıel ǵana jazyldy. Sonyń tek 3-ýi jumys isteýge keldi.  Búginde bas qalada uzyn yrǵasy 47 myńnan asa adam baspana kezeginde tur. Munyń 3800-i kóp balaly otbasy. Bul sanattaǵy januıalarǵa páter birinshi kezekte beriledi. Jalpy halyqtyń úı alýy úshin qazir birneshe jańa baǵdarlama jumys isteıdi.  

Armanaı Qabdeshova qalalyq ákimdik janyndaǵy «Turǵyn úı qorynyń»  baspasóz hatshysy:  

— Onyń ishinde berekeli baspana baǵdarlamasy. Jáne de baqytty otbasy. 2 paıyzdyq nesıemen beriledi. Bular kóp balaly otbasylar, tolyq emes otbasylarǵa, múgedek balasy bar otbasylarǵa arnalǵan.  Al mıtıngke shyqqan analar nege úı kezegine turmaıdy deısiz ǵoı. Sóıtse olardyń keıbirinde páter bar ekeni anyqtalǵan. Nemese elordaǵa kóship kelgenine úsh jyl da tolmaǵan. Áıtpese kezekte turǵan otbasylar baspanaǵa ıe bolyp jatyr.

Aıtalyq, osy kezge deıin tek «Berekeli baspana» baǵdarlamasy arqyly 298 páterdiń kilti tabystalyp, Baqytty otbasy jobasymen 2 myńnan asa azamatqa joldama berilgen.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir