• USD 389.52
  • EUR 429.21
  • RUB 6.07
  • CNY 54.94
17 Qazan, 12:13:08
Prezıdenttik jastar kadr rezervine irikteýdiń kelesi kezeńine 904 qatysýshy ótti

25 Qyrkúıek, 2019 NEWS

"Rahattyń" «Almaty» shokolady jańa qaptamada shyqty (foto)

«Rahat» AQ fırmalyq dúkenderinde jańa qaptamadaǵy «Almaty» keýeki shokolady satylymǵa shyqty dep habarlaıdy Qamshy.kz aqparat agenttigi.

Jańa qaptamada Almaty qalasynyń tólqujatyna aınalǵan qalanyń eń kórikti jerleri men ǵımarattary beınelengen.

Illıýstrasııa avtory belgili sýretshi-karıkatýrıst -,Murat Dilmanov.

«Buryn-sońdy taýar qaptamasyna sýret salǵan emespin. Bul alǵashqy tájirıbem. О́zim Qyzylorda oblysynda dúnıege kelgenmin. Úsh jasymda Almatyǵa kóship kelgen kezde bir aıdaı otbasymyzben «Qazaqstan» qonaqúıinde turdyq. Sol kezdegi áserler áli esimde. Sýretterdi bala shaqtan qalǵan alǵashqy áser negizinde saldym. Assortı shokoladynyń qaptamasynda qaladaǵy eski ǵımarattar ǵana emes, Almatynyń qazirgi jańa ǵımarattary, tramvaı jáne metro beınelengenin baıqaǵan bolarsyzdar. Sýretti tolyqtaı salyp shyǵýǵa bas-aıaǵy úsh aı ýaqyt ketti. Bul jalǵyz meniń jumysym emes. Men tek ıllıýstrasııasyn saldym. Bul joba aıasynda menimen birge biraz jandar ter tókti. Muny ortaq jumys dep sanaımyn» - deıdi Murat Dilmanov.

Murat Dilmanov

Jaqynda ǵana jańa qyzmetke kirisken «Rahat» AQ marketıng dırektory Farıda Akımbaeva: «Jańa qaptamadaǵy «Almaty» shokolady kópshiliktiń kóńilinen shyǵady degen senimdemiz. Eski qaptamaǵa qaraǵanda jańa qaptama tústeri ashyq, tartymdy, súıikti qalamyzdyń naǵyz beınesin kórsetip tur. Sýretshi Murat Dilmanov Almaty kelbetin keltirip, shokolad qaptamasyn árlendirip jiberdi. Onyń salǵan sýretteri kóńilimizden shyqty. Qazaqstannyń tátti kámpıt-shokoladtary otanymyzda ǵana emes, shetelde de keńinen tanymal ekeni jasyryn emes. Káde syı retinde kóp tartylady. Jańa qaptamadaǵy shokoladty «Almatydan bazarlyq» dep ıgi tilekpen syılaýǵa bolady»-deıdi.

rahat

«Rahat» aksıonerlik qoǵamy – 75 jyldyq tarıhy bar, Qazaqstandaǵy kondıterlik ónim óndiretin eń iri óndiris oryndarynyń biri.

rahat

Kondıterlik ónimder soǵys kezinde Máskeý men Harkovtan kóshirilip ákelingen jabdyqtarmen alǵash ret 1942 jyly araq – lıker shyǵaratyn zaýyt alańynda shyǵaryldy.

 «Rahat» AQ-ynda 4500-ge jýyq adam eńbek etedi. О́ndiristik qýat Almaty jáne Shymkent qalalaryndaǵy eki óndiris ornynda shoǵyrlanǵan.

О́ndiristiń jan-jaqtylyq sıpaty, aýqymdylyǵy jáne kakao dánderin qaıta óńdeıtin jeke jeliniń bolýy, otandyq óndirýshilermen salystyrǵanda, kásiporynda kondıterlik ónimderdiń alýan túrin shyǵarýǵa múmkindik beredi. Búgingi tańda «Rahat» AQ-ynyń ónim qorjyny 14 topqa bólinetin, 400-den asa ataýǵa ıe, alýan túrli kondıterlik ónimdermen  tolyqqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir