Bıyl Mańǵystaýda 9 241 otbasyna ataýly áleýmettik kómek taǵaıyndaldy

Muny óńirlik kommýnıkasııalar qyzmeti alańynda ótken brıfıngte Mańǵystaý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Qarashash Nurmamedova aıtty.

-«Oblys boıynsha zańsyz tólengen tólemderdi qaıtarý boıynsha 1-toqsanda 64 adamǵa tólem toqtatyldy, olar bıýdjetke 21,8 mln teńge qaıtarý kerek, al 4 adamǵa tólemniń zańdylyǵy dáleldenip, tólem jalǵastyryldy. Ekinshi toqsanda 487 adamǵa  zańsyz tólengen 48,1 mln teńge bıýdjetke  qaıtarylýǵa jatady», - dedi Qarashash Ishbergenqyzy.

Sonymen qatar 163  otbasy   tabysyn jasyrǵan dep tanylyp, tólem toqtatyldy, olar bıýdjetke    32, 4 mln qaıtarýy tıis. Jalpy  1425 otbasyǵa   kómek tóleý jalǵastyryldy. Qazirgi esepteýler boıynsha 714 otbasynan bıýdjetke     102,3 mln teńge qaıtarylýy qajet, onyń ishinen búgingi kúni   78  otbasy 9,2 mln teńgeni qaıtardy.  

Ataýly áleýmettik kómek tóleýge     4 427, 2  mln teńge (RB, Ulttyq qor - 3 875,2 mln, JB-551,9  mln teńge)   bólindi.

          Jyl sońyna deıin kómek alýshylar sanynyń  55 myń adamǵa   (qazir -51 138 adam)  deıin ósetinin eskere otyryp, qosymsha  3 127,8 mln teńge qarjy qajet etiledi.

    Aıta keteıik 1 928 otbasyǵa (10 502 adam)  ataýly áleýmettik kómekti tóleý aıaqtaldy. Qazirgi kezdegi alýshylar sany  7 308 otbasyn  (40 820 adam.) qurap otyr.