• USD 389.52
  • EUR 429.21
  • RUB 6.07
  • CNY 54.94
18 Qazan, 13:04:30
Sarapshylar joldaýdyń júzege asyrylýyn talqylady

24 Qyrkúıek, 2019 Ekonomıka

Shaǵyn qarjy uıymdary kúnine 58,7 mln teńge tabady

Qazaqstanda mıkrokredıtter berý tıimdi bıznes túrine aınalyp barady. Klıent sany kóbeıip, turǵyndardyń kredıttik portfeli jaqsara túsýde. Al paıda bolsa, shash etekten. Dese de tabys tabý báriniń birdeı qolynan keler emes, dep jazady Qamshy.kz aqparat agenttigi 365info.kz saıtyndaǵy derekti basshylyqqa alyp.

Ulttyq bank derekteri boıynsha 1 shildedegi jaǵdaıǵa sáıkes shaǵyn qarjylyq uıymdardyń jalpy aktıviniń kólemi 302,6 mlrd teńgeni quraıdy. Kórsetkish ekinshi toqsan qorytyndysy boıynsha 29,3 mlrd teńgege ósken. Jarty jyldyqta shaǵyn qarjy uıymdarynyń aktıvi 5,6 paıyzǵa artqan. Bul aralyqta ekinshi deńgeıli bankter aktıvi 0,4 paıyzǵa ǵana ósip otyr.

Bul sáıkesinshe, mıkrokredıtterge suranys rekordtyq qarqynmen artyp otyrǵanyn ańǵartady. 2019 jyldyń sáýir-maýsym aralyǵynda berilgen qaryz kólemi 25 mlrd teńgeni quraǵan. Bul 2015 jyldan bergi eń úlken toqsandyq ósip. Jyl basynan bergi alty aıda shaǵyn qarjylyq uıymdar qazaqstandyqtarǵa 258,1 mlrd teńge somasynda qaryz bergen. Bir jyl ishinde qaryz portfeli 37,6 paıyzǵa, alty aıda 17,8 paıyzǵa artqan. Buǵan bankterdiń kredıt berýdi azaıtýy sep bolýda.

ShQU-lardyń negizgi klıentteri – jeke tulǵalar. Olardyń úlesi shaǵyn qaryzdardyń 98 paıyzyn quraıdy. Aıta keterligi, kóbisi qaryzyn ýaqytyly tólep júr. 1 shildedegi jaǵdaıǵa sáıkes merzimi ótken qaryzdar úlesi jalpy bereshektiń 6,6 paıyzyn quraǵan. Bankter mundaı jetistikterimen maqtana almaıdy. Olardaǵy sáıkes kezeńdegi kórsetkish 14,4 paıyzǵa teń.

Mıktokredıtke degen joǵary suranystyń arqasynda qarjy uıymdarynyń «qaltasy» birshama qampaıyp qaldy. Alǵashqy jarty jyldyqta qarjy uıymdary 10,5 mlrd teńge tabys tapqan. Bul ulttyq bank baqylaýǵa alǵan ýaqyttaǵy rekordtyq soma. Qazir mıkroqarjylyq uıymdar bir toqsanda tabatyn qarajatyn 2014, 2015, 2016 jyldary bir jylda da taba almaǵan edi. Búginde ShQU-dar ortasha eseppen kúnine 58,7 mln teńge tabady.

Bundaı tabysty salada oıynshylardyń da az bolmaıtyny túsinikti. 1 shildedegi jaǵdaı boıynsha elde 165 shaǵyn qarjy uıymy tirkelgen. Alaıda olardyń báriniń birdeı tasy órge jomalap jatqan joq. Shyǵynǵa batqan uıymdar úlesi 27,1 paıyzǵa teń.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir