Mańǵystaý aýdanynda balabaqshamen qamtý kórsetkishi 100 paıyzdy qurap otyr

          Mańǵystaý aýdanynda 1712 balany qamtıtyn 26 mektepke deıingi balalar uıymy,  22 jalpy bilim beretin mektep, 1 kásibı-tehnıkalyq kolledj bar.

Bıylǵy Ulttyq biryńǵaı testileýge mektep bitirýshilerdiń 96,8 paıyzy,  ıaǵnı 446 mektep bitirýshiniń 432-si  qatysty. Orta upaı  85,8-di qurady.

Bıylǵy jyldyń ózinde eki jekemenshik bala baqsha ashylyp, bala baqshamen qamtylý kórsetkishi 100 paıyzdy qurap otyr.

Aýdanda úsh aýysymmen oqıtyn mektep joq. Alaıda aýdan ortalyǵynyń halqynyń sanynyń artýyna baılanysty Shetpe aýylynan 600 oryndyq bir mektep jáne Beki aýylynan 120 oryndyq ortalaý mektep salý qajettiligi týyndap otyr.

         2019 jyly «Dıplommen aýylǵa» baǵdarlamasymen 96 mamanǵa 16,9 mln. teńge bir jolǵy kóterme járdemaqy berildi (70 aılyq eseptik kórsetkish, 176 750 teńge).   Sonymen qatar, 61 mamanǵa turǵyn-úı satyp alýǵa 231 mln. teńge bıýdjettik kredıt berilgen.

Densaýlyq saqtaý salasyna kelsek 22 memlekettik medısınalyq mekemeler halyqqa qyzmet kórsetedi, onyń ishine ortalyq aýdandyq aýrýhana, ortalyq aýdandyq emhana, 10 medısınalyq dıspanser, 8 medısınalyq pýnkt, E.Orazaqov atyndaǵy týberkýlezge qarsy sanatorııi kiredi.

Aýdan  boıynsha  92 dáriger,  283 meıirbıke bar.     

2019 jyly ana ólimi bolǵan joq.

Jalpy aýdandyq ortalyq aýrýhana medısınalyq qural jabdyqtarmen 80%-ǵa qamtylyp otyr.

Sábı ólimi deńgeıi 1000 tiri týylǵandarǵa shaqqanda 2/3,2-ni qurap otyr, ótken jylmen salystyrǵanda birshama azaıǵan. (2018 jyly – 7/11,2). 

Týberkýlezben aýratyndar sany 100 turǵynǵa shaqqanda qańtar-tamyz aılarynda 9/25,9-dy  qurady.

Jańa formattaǵy ataýly áleýmettik kómek kórsetý boıynsha 2019 jyldyń qańtar-tamyz aılary aralyǵynda 497 otbasyǵa (2958 adam) ataýly áleýmettik kómek taǵaıyndalyp, 46,8 mln. teńge tólendi. 71 otbasy tabysyn jasyrǵany úshin qarjysyn keıin qaıtarady.