• USD 389.52
  • EUR 429.21
  • RUB 6.07
  • CNY 54.94
16 Qazan, 01:38:41
Saılaý qarsańynda "joǵalyp ketken" akter Shrı-Lankadan sálem joldady (vıdeo)

18 Qyrkúıek, 2019 Barlyq aımaqtar

Ábish Kekilbaevtyń 80 jyldyǵyn atap ótýge týǵan jeri tyńǵylyqty daıyn

Bul jóninde óńirlik kommýnıkasııalar qyzmeti alańynda ótken brıfıngte Ondy aýylynyń ákimi B.Balapan málimdedi.

-Ábish Kekilbaıulynyń týǵan jeri Ondy aýylynda jasalynyp jatqan qurylys jumystaryna toqtalsam, Ondy aýylyna kire beristegi 8 shaqyrym jolǵa «MKDSM» jaýapkershiligi shekteýli seriktestigi jóndeý jumystaryn júrgizip jatyr. Á.Kekilbaıuly atyndaǵy orta mektepke «Nurly Jol» jaýapkershiligi shekteýli seriktestigi  jóndeý jumystaryn júrgizýde. Jylý qazandyqtary aýystyryldy, avtoturaq ornatyldy,  brýchatka tóselip, jumystary aıaqtaldy. «Aı-Ana» memorıaldy keshenin aǵymdaǵy jóndeý jumysyn «Qazaq soqyrlar qoǵamynyń Aqtaý oqý-óndiris kásiporny» jaýapkershiligi shekteýli seriktestigi  jeńip aldy. Jóndeý  jumystary aıaqtaldy.  «Qulynshaq» bala baqshasynyń jóndeý jumystary  aıaqtaldy.  Á.Kekilbaıuly atyndaǵy parkti jóndeý jumystary boıynsha 500 sh.m jerge brýchatka tóselip, sý qubyry tartylyp, qorshaýy aýystyrylady. Ortalyq parkti sýlandyrý, aǵymdaǵy jóndeý, abattandyrý, park ishindegi obelıskini jóndeý jumystary júrdi, turbalar  tartylyp, 500 sh.m jerge brýchatka tóselip, aǵashtary butaqtalyp, jańadan qaqpa ornatyldy, dedi ol.

  Ashyq sport alańyna «Nurly Jol» jaýapkershiligi shekteýli seriktestigi jóndeý jumystaryn júrgizip jatyr. «Qyzyl tam» bulaǵy basyn abattandyrý jumystaryna  6,3 mln. teńge bólinip, bulaqtar  basy tabıǵı taspen órilip, qorshaýy salynyp, brýchatka tóseý, jaryq tartý  jumystaryn júrgizdi.

Ondy meshiti qurylysy aıaqtalýǵa jaqyn. Ishki jumystary, esik, terezesi salynyp, syrtqa brýchatka tóseý, sharbaq qalaý jumystary júrip jatyr. 

 Ákimshilik ǵımaratyn aǵymdaǵy jóndeý  jumystaryn «Aqdáýlet» jaýapkershiligi shekteýli seriktestigi  jasap shyqty.   Ondy aýylyna kire beristegi kóshe betindegi 50 turǵyn úı men 8 saýda núkteleri ıelerimen kezdesip, turǵyn úıler men saýda nysandarynyń  syrtyn, sharbaqtaryn árleý  jumystaryn júrgizý týraly túsindirme jumystary júrgizildi. Qazirgi kezde 40 turǵyn úı, 6 kásipkerlik nysan árleý jumystaryn júrgizdi.

Ondy mektebine Ábish Kekilbaıulynyń aty berilgeli mektepte Respýblıkalyq Ábish oqýlary baıqaýy eki ret ótkizilgen. Baıqaýǵa 14 oblystan qatysýshylar keldi. Sondaı-aq zańǵar jazýshynyń atyndaǵy mekteptiń aldyna kemeńger tulǵanyń keýde músini qoıylatyn bolady. Bıiktigi 3 metr bıýsttiń músini tastan qashalyp, al tuǵyry granıtten jasalýda.

 Aýyldaǵy jóndeý júrgizilip, qurylysy salynyp jatqan nysandardy respýblıkalyq dárejedegi qonaqtardyń qatysýymen ashýdy josparlap otyrmyz. Kıiz úıler qalashyǵyn aýdan ortalyǵynan tigýdi, ulttyq sport túrlerinen jarystar ótkizip, Ábish aǵamyz ben Farıza apamyzdyń shyǵarmashylyǵyna arnalǵan ári «Rýhanı jańǵyrý» baǵdarlamasy aıasynda respýblıkalyq deńgeıdegi «Sóz ben Saz» baǵdarlamasyn uıymdastyrý josparda bar.  Mańǵystaý aýdanynyń ortalyǵy Shetpe selosynda 30-ǵa jýyq úı tigilip, merekelik asqa bir mezgilde 2000 adam qatysady degen jospar bar.

Budan bólek kóptegen sharalar osy mereıtoı aıasynda oblys, aýdan ortalyǵynda ótkiziletin  bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir