• USD 468.56

  • EUR 497.56

  • RUB 7.3

  • CNY 67.18

29 Naýryz, 15:50:48
Almaty
+35°

Qazaqstan isker áıelder qaýymdastyǵynyń prezıdenti Raýshan Sársembaeva kópbalaly jáne az qamtylǵan analardy qoldaıtyn memlekettik baǵdarlamalar týraly pikirimen bólisti, dep habarlaıdy Qamshy.kz aqparat agenttigi QazAqparattyń deregin negizge alyp.

Raýshan Sársembaevanyń aıtýynsha, qaýymdastyqta kópbalaly analarǵa arnalǵan «Járdem» respýblıkalyq baǵdarlamasy iske qosylǵan. Alaıda bul baǵdarlamaǵa qatysýǵa analar belsendilik tanytpaı otyr.

«Biz eńbek naryǵynda suranysqa ıe mamandyqtar boıynsha tegin oqytamyz: aspaz, naýbaıshy, sulýlyq mamany, tiginshi. Almatyda «Baqytty otbasy» ortalyǵy arqyly 120 oryn usyndyq, onda biz áıelderdi oqytyp, sol jerde jumysqa ornalastyrdyq. О́kinishke qaraı, bizde oqyǵysy keletin adamdardyń tizimi joq. Kópbalaly analardyń ózderi ártúrli syltaý aıtady. Biriniń balalaryn tastaıtyn jeri bolmasa, endi biri ýaqytynyń joqtyǵyn alǵa tartady. Biz Nur-Sultanda eki aspaz jáne eki tiginshini daıyndap oqyttyq. Biz olarǵa óz isimen aınalysý úshin básekege qabiletti oryndarda úırenip, keıin sol jerde jumys isteýge jaǵdaı jasadyq. Tiginshi mamandyǵy boıynsha oqyǵysy keletin 16 adam tirkeldi. Onyń 8 rastaldy, oqýǵa 2 adam keldi. Bıznesti úıretýge daıynbyz, biz olardy tegin oqytyp, turaqty jumysqa ornalastyrýǵa ázirmiz. Bizge tek Almatydan ǵana qaýymdastyq múshelerinen 120 oryn qajet, biraq olar qyzyǵýshylyq tanytyp otyrǵan joq», - dedi spıker.

Sonymen birge ol qazaqstandyq otbasylarǵa tólenetin ataýly áleýmettik kómek (AÁK) týraly aıtty. Raýshan Sársembaeva atap ótkendeı, «AÁK qarapaıym otbasy músheleriniń tabysyna baılanysty bolǵandyqtan, bul táýeldi kóńil-kúı týǵyzady, áıelge jumys istemeı-aq memleketten beriletin járdemaqyny alyp otyrǵan yńǵaıly».

«Kópbalaly analar AÁK alýǵa daıyn, biraq bul otbasynyń tabysyna baılanysty. Áıelder jumys istegen jerinen ketedi, óıtkeni eger áıel bir jerde jumys istep, tórt balaǵa 90 myń alsa, AÁK odan kóbirek. Sondyqtan olar úıde otyrǵandy jón kóredi. Olar kúıeýiniń tabysyn jasyrý úshin ajyrasýǵa deıin barady. AÁK-niń tabysqa baılanýy biz kórip otyrǵan jaǵymsyz jaıttarǵa alyp keldi. Áıel jumys istegisi keletin shyǵar, biraq oǵan AÁK alý tıimdi. Birinshiden, memlekettik qurylymdarǵa AÁK-ti otbasy tabysymen baılanystyrýdy alyp tastaý qajet. Biz adamdardy oqytyp, jumysqa turǵyza almaı otyrmyz. Olar ataýly áleýmettik kómekten qaǵylamyz dep qorqady «, - deıdi Raýshan Sársembaeva.

Eske salaıyq, QR Premer-Mınıstriniń orynbasary Berdibek Saparbaev kópbalaly analarmen kezdesý barysynda AÁK-ti shynymen muqtaj otbasylar alýy kerek ekenin basa aıtty. Almatyda 1300-den astam kópbalaly otbasyǵa tólem toqtatyldy, aıyna 83 mıllıon teńge durys tólenbegeni anyqtaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir