• USD 389.52
  • EUR 429.21
  • RUB 6.07
  • CNY 54.94
15 Qazan, 10:35:04
Ermekbaev: Jumys qaýipti, ómirleri úshin qaýip-qater bar

24 Qyrkúıek, 2019 NEWS

Kópbalaly analarǵa aıqaılaǵan ákim orynbasary: Dúnıeden ótken anam týraly jaǵymsyz sózder aıtty

Nur-Sultan qalasy ákiminiń orynbasary Baqtııar Máken atyshýly kezdesýde nege aýyr sóz aıtqany, belsendi analarǵa baspananyń kezeksiz beriletin-berilmeıtini jáne basqasy jaıynda suqbat berdi, dep habarlaıdy Qamshy.kz aqparat agenttigi inbusiness.kz saıtyna silteme jasap.

– Kóp balaly analarǵa doq kórsettińiz dep áleýmettik jeli shýlap jatyr. Siz jabyq esik jaǵdaıynda ótetin halyqpen barlyq kezdesýlerde ózińizdi osylaı ustaısyz ba? 

– Emosııalar boldy, biraq ol emosııalar zań talaptaryna qatysty boldy dep oılaımyn. Nur-Sultan qalasynda 47 myńdaı adam baspana kezeginde tur. Jalǵyzbasty analar bar, zeınetkerler bar. Olardy aldap, tek shýlaǵandarǵa zańsyz úı bere almaımyn. Árıne, ol analardyń da qasiretin túsinemiz, olar da suraǵysy keledi. Biraq men zańsyz bere almaımyn ǵoı. Olardyń talaby zańsyz ekenin kórip otyrsyz ǵoı. Áleýmettik jelilerden baıqap júrgen shyǵarsyzdar, kópten alańǵa shyǵa berýi de zańsyz.

– Sizdi sonsha ashyndyrǵan qaı sóz?

– Men ony aıtqym kelmeıdi. Ol jeke basyma tıisti. Biraq men er adam, ol áıel adam bolǵannan keıin, keshirim suradym. Sebebi bul meniń er azamat retindegi mindetim dep sanaımyn. Bastapqyda men de shydam tanytyp, olardy biraz tyńdadym. Alaıda olar emosııaǵa boı uryp ketkendikten, men de sol áserge berilip ketsem kerek. Endi neshe túrli sózder aıtqanda, adamnyń shydamy da taýsylady ǵoı. Túsinińizdershi. Bul kisilermen de aldynda kezdeskenbiz. Sodan beri kóp sóz jınaldy. Meniń de anam bar, ol dúnıeden ótip ketken. Munyń aldynda da meniń anama jaman-jaman, jaǵymsyz sózder aıtqannan keıin, adamnyń tózimi taýsylady. Bul ár er-azamatqa qıynǵa túsedi.

– Munyńyz memlekettik qyzmetshi etıkasyna saı keledi dep oılaısyz ba? Olaı bolmasa, ketýge týra keledi emes pe?

– Memlekettik qyzmetshi etıkasy degende, meniń tarapymnan da kemshilikter boldy. Bul halyqqa qatty renjigenim emes. Bul – meniń jumysym. Ákimdikte otyrǵasyn, jergilikti azamattarmen birge jumys istep, tıisti sharalardy qabyldaýǵa tıispin. Al biraq turǵyndar zańsyzdyqqa barýdy talap etse, ony jasaı almaımyn.

– Beınerolıkte aıtqan sózderińizder qaıtpaısyz ba sonda? Mysaly, «Aqordanyń aldyna baram deseńder bara berińder» dedińiz.

– Aqordaǵa qatysty ol adamnyń ózi aıtyp jatqany ǵoı. Men ondaı sózderimnen qaıtpaımyn degen joqpyn. Eki adam arasyndaǵy urystaǵy emosııa boldy. Sodan aýzymnan shyǵyp ketken shyǵar. Biraq ondaǵy aıtqandarym elimizdegi kópbalaly barlyq analarǵa qatysty emes. Jeke sol adammen aramyzdaǵy qarym-qatynasymyz. Barlyq kópbalaly anaǵa kir keltirgim kelmeıdi. Vıdeodan ózderińiz de baıqadyńyzdar ǵoı, men olardy otyryp, konstrýktıvti túrde sóılesýge, aqyldasýǵa shaqyrdym. Alaıda jaýap retinde keıbiri bótelke laqtyrady. Búkil sheneýnikke tıisedi. Onyń aldynda stakandardy laqtyrdy. Qoldy da kesip ketkeni boldy.

– Siz beınejazbada osy analarǵa baspana áperý úshin demeýshilermen kelissózder júrgizip jatqanyńyzdy aıttyńyz. Demeýshiler 47 myń adamǵa tegis úı ápere almaıdy. Sonda demeýshiler tek osy belsendilerge ǵana satyp ápere me?

– Joq, men demeýshiler osy belsendilerge áperedi degen joqpyn. Dál qazir baspanaǵa muqtaj adamdar bar. Olar baspanasyz dalada qalǵan. Solarǵa qatysty biz demeýshilerden kómek suraımyz. Al memleket zańsyz bere almaıdy. Onyń ústine men bul jumysqa zań shyǵarýshy bılikten keldim.

– AQSh-ta, damyǵan elderde óz emosııasyna erik bere beretin sheneýnikterdi shettetip, «emosııany basqarý» kýrsynan ótýge jiberedi. Siz bul jaǵdaı qaıtalanbaıdy dep ýáde ete alasyz ba?

– Bolashaqta emosııaǵa erik bermeýge tyrysamyn. Analar talabyn da eskeremin.

– Ákimdikke kiretin kelýshilerdiń barlyǵynan uıaly telefondaryn tapsyrý talap etiledi. Onda sizdi masqaralaıtyn vıdeony sonda kim túsirgen?

– Bilmeımin!

Janat Ardaq 

♦ "Maǵan dese, asylyp qalsyn": Elorda ákiminiń orynbasary Aqordaǵa barǵan analarǵa ashýly (vıdeo)


Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir