• USD 389.52
  • EUR 429.21
  • RUB 6.07
  • CNY 54.94
15 Qazan, 15:32:09
Saılaý qarsańynda "joǵalyp ketken" akter Shrı-Lankadan sálem joldady (vıdeo)

24 Qyrkúıek, 2019 Barlyq aımaqtar

Aqjarqyn Turlybaıdyń advokaty: Qytaıdaǵy sottyń sheshimin ózgerte almaımyz, biraq...

Qazaqstan men Qytaı arasynda sottalǵan azamattardy qaıtarý týraly kelisim bar. Sonyń aıasynda Aqjarqyn Turlybaı jazasyn óz elinde óteı alady, — dep jazady Qamshy.kz aqparat agenttigi sputniknews.kz saıtynyń deregin negizge alyp. 

Aqjarqynnyń jazasyn ózgertýge bola ma?

Advokat Ásel Toqaevanyń oıynsha, Qazaqstan men Qytaı arasyndaǵy kelisim boıynsha sottalǵan azamattardy elge qaıtarý sharasy qarastyrylǵan. Biraq ondaıda sottyń sheshimi qaıta qaralmaıdy. Aqjarqynnyń jazasyn óteý merzimin de birden ózgertýge múmkindik joq.

"Bári zańnamaǵa baılanysty. Endi Qytaıdaǵy sottyń sheshimin ózgerte almaımyz. Biraq ol amnıstııaǵa iligýi múmkin,  ıa bolmasa, merziminen buryn shartty bosatý sharasy qoldanylady. Al ózge elde jasalǵan qylmysty qaıta qaraı almaımyz. О́ıtkeni zańdy sheshim bar. Sosyn kelisim aıasynda jazasyn óteý úshin ǵana sottalǵandardy qaıtarý sharasy qarastyrylǵan. Ondaıda jaza qaıta qaralmaıdy", - deıdi Toqaeva.

Osy oraıda sarapshy óz tájirıbesinen birneshe mysal keltirdi. Onyń aıtýynsha, Qazaqstanda esirtki úshin bir Grekııa azamaty ustalǵan. Biraq oǵan jazany óz elinde ótegen tıimdi. Sebebi ol memlekettiń zańnamasy boıynsha týra sol esirtki kólemi úshin jaza qatań emes. Al Qazaqstanda ustalǵan О́zbekstan azamattary, kerisinshe, óz eline jibermeýdi suraǵan. Sebebi ol jaqta jaza qatań.

Bas prokýratýra ne deıdi?

Bas prokýrordyń orynbasary Marat Ahmetjanov ta osy máselege qatysty túsinikteme berdi. Onyń sózine qaraǵanda, Aqjarqyn óz elinde amnıstııaǵa iligýi múmkin.

"Ázirge Qytaıdaǵy sottyń sheshimi kúshine engen joq. Qazir appelıasııalyq shaǵym qaralyp jatyr. Biz naqty qandaı sheshim shyǵatynyn bilmeımiz. Degenmen Qazaqstan men Qytaı arasynda ekijaqty shart bar. Sol qujat boıynsha Aqjarqyn ótinish berip, jazasyn óz elinde óteı alady. Ondaı ótinish bolsa, Qazaqstan sottalǵan azamatty ózine qaıtara alady", - dedi Ahmetjanov.

Onyń aıtýynsha, shart boıynsha Qytaıda shyqqan sot úkimin ózgertýge bolmaıdy. Degenmen jazasyn jeńildetýge múmkindik bar.

"Bizdiń zańnamalarymyzǵa sáıkes, úkimin ózgerte almaımyz. Biraq amnıstııa bolyp jatsa, biz Qytaıǵa eskertý jiberip, osyndaı-osyndaı halyqaralyq kelisim boıynsha ol sharany qoldanýǵa múmkindik bar dep habarlaımyz. Sottyń naqty sheshimi kerek. Ony ózgerte almasaq ta, kelisim boıynsha jazanyń túrin ózgertýge múmkindik bar", - dep atap kórsetti Ahmetjanov.

Aqjarqyn Turlybaıdyń taǵdyry

Qazaqstan azamaty Aqjarqyn Turlybaı 2014 jyly naýryzda Gýanchjoý áýejaıynda ustalǵan bolatyn. Oǵan shekaradan 4,5 keli esirtkini alyp ótpek boldy degen aıyp taǵyldy. Ol kezde otandasymyz 20 jasta bolǵan edi. 2015 jyldyń maýsymynda Qytaı soty ony ómir boıyna bas bostandyǵynan aıyrdy. Sotta Aqjarqyn sheteldik dosy aldap ketkenin aıtyp, kinásin moıyndaǵan joq.

2016 jyly sot sheshimi joıylyp, is qaıta qaraýǵa jiberildi.

Bıyl 3 qyrkúıekte Qytaıdyń Gýanchjoý qalalyq sotynda Aqjarqyn Turlybaıdyń isi boıynsha otyrys ótti. Otyrysta qorǵaýshy tarap usynǵan qylmystyq is materıaldary qaraldy. Úkimniń qashan jarııalanatyny belgisiz.

Al 9 qyrkúıekte otandasymyzdyń anasy Zýhra Seıtimova Qazaqstan prezıdentine kómek surap hat jazǵany habarlandy. Artynsha Qasym-Jomart Toqaev Qytaıǵa sapary kezinde Aqjarqyn Turlybaıdyń máselesin kóterdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir