24 Qyrkúıek, 2019 NEWS
Memleket basshysy Qasym-Jomart Toqaev BUU Bas Assambleıasynyń 74-sessııasy aıasynda birqatar kezdesýler ótkizdi. Áleýmettik jelide issapardyń alǵashqy kúniniń beınerolıgi paıda boldy dep habarlaıdy Qamshy.kz aqparat agenttigi.
Vıdeony Memleket basshysynyń baspasóz qyzmetiniń jetekshisi Berik Ýálı Facebook jelisindegi paraqshasynda jarııalady.
"AQSh, Nıý-Iork qalasy, BUU shtab-páteri 23.09.19.
Qazaqstan Prezıdenti Qasym-Jomart Toqaevtyń Nıý-Iorkke sapary AQSh-taǵy yqpaldy taldaý ortalyǵy sanalatyn "Atlantic Council" ("Atlantıkalyq keńes") uıymynyń qoldaýymen uıymdastyrylǵan belgili amerıkalyq saıasatkerlermen jáne sarapshylar qaýymdastyǵynyń ókilderimen kezdesýmen bastaldy.
Kezdesý barysynda Memleket basshysy Qazaqstan-Amerıka qarym-qatynastarynyń qazirgi jaı-kúıi men damý perspektıvalary, syrtqy saıasattyń negizgi basymdyqtary, Qazaqstannyń saýda-ekonomıkalyq jáne ınvestısııalyq áleýeti týraly egjeı-tegjeıli baıandady.
Sondaı-aq, Memleket basshysy «Bloomberg» aqparat agenttiginiń negizin qalaýshy ári ıesi Maıkl Blýmbergpen kezdesti.
Kezdesý barysynda taraptar Qazaqstan men «Bloomberg» aqparat agenttigi arasyndaǵy yntymaqtastyqtyń keleshegin talqylap, álemdik ekonomıkanyń kún tártibindegi ózekti máseleleri jóninde pikir almasty.
Sonymen qatar, Qazaqstan Prezıdenti BUU-nyń О́rkenıetter Alıansynyń Joǵary ókili Anhel Moratınospen kezdesti.
Taraptar ózara is-qımyl perspektıvalaryn, atap aıtqanda, dinaralyq kelisim men órkenıetterdiń jahandyq dıalogyn nyǵaıtý jaıyn talqylady.
Tústen keıin Memleket basshysy BUU Bas Assambleıasynyń 74-shi sessııasy aıasynda amerıkalyq jáne jetekshi transulttyq kompanııalardyń basshylarymen birqatar kezdesýler ótkizdi. Keshkisin kompanııa jetekshilerimen dóńgelek ústel basynda pikir almasty" delingen jazbada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir