• USD 389.52
  • EUR 429.21
  • RUB 6.07
  • CNY 54.94
15 Qazan, 15:28:49
Saılaý qarsańynda "joǵalyp ketken" akter Shrı-Lankadan sálem joldady (vıdeo)

24 Qyrkúıek, 2019 Álemde

BUU sammıtinde 16 jastaǵy oqýshy qyz: Balalyq shaǵymdy urladyńyzdar (vıdeo)

16 jastaǵy shved oqýshysy Greta Týnberg Birikken Ulttar Uıymynyń Nıý-Iorktegi sammıtinde klımattyń ózgerýine baılanysty sóz sóıledi, dep habarlaıdy Qamshy.kz aqparat agenttigi.

Aqparat kózderine  súıensek, ol saıasatkerlerden ekologııalyq apattyń aldyn alý úshin shara qoldanýdy talap etken. 

"Men munda kelmeýim kerek edi. Men muhıttyń arǵy jaǵyndaǵy elimde, mektebimde otyrýym kerek bolatyn. Bos sózderińiz ben bos úmitterińizben sizder meniń armanym men balalyq shaǵymdy  urladyńyzdar. Meniń qaıta jolym boldy. Qanshama adam zardap shegip jatyr, qyrylyp jatyr. Ekojúıeniń kózi quryp barady. Biz de jappaı joıylyp ketý aldynda turmyz. Al sizder tek aqsha men ekonomıkanyń ósýi týraly ertegi ǵana aıta alasyzdar. Qalaı dátterińiz barady? Jas urpaq sizderden úmit kútedi. Al eger sizder sol senimdi aqtamasańyzdar, biz sizderdi eshqashan keshirmeımiz. Jazadan qutyla almaısyzdar",- dep kózine jas aldy, ekojúıeniń belsendi qorǵaýshysy  Greta Týnberg.

Greta Týnberg (Greta Thunberg) 2003 jyly 3 qańtarda dúnıege kelgen.  Shvesııalyq akter men operalyq ánshiniń qyzy. Depressııa men psıhıkalyq problemalardan soń ekologııa máselesine qyzyǵýshylyq tanyta bastapty.

Ol otbasynyń etten bas tartýyna sebepker bolǵan. Sondaı-aq, ushaqpen de ushpaıdy. Greta Nıý-Iorkke jelkendi qaıyqpen jetken.

Greta Týnberg BUU Bas hatshysy Antonıý Gýtterısh jáne akter Arnold Shvarseneggermen de kezdesý ótkizgen.

Time jýrnaly 2018 jyly Gretany álemdegi eń bedeldi 25 jasóspirimniń tizimine engizdi. Bıyl Shvesııada "jyl áıeli" atandy.  



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir