• USD 389.52
  • EUR 429.21
  • RUB 6.07
  • CNY 54.94
14 Qazan, 05:37:22
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

21 Qyrkúıek, 2019 Aımaqtar

85 myń jambyldyq aqparattyq ortalyqtardyń qyzmetin paıdalanady

Jambyl oblysynda kitaphanalardyń janynan sıfrlandyrylǵan aqparattyq ortalyqtar ashý isi belsendi júrýde. Búgingi tańda oblys kóleminde 112 ortalyq qyzmet etýde. Aǵymdaǵy jyldyń 8 aıynyń qorytyndysy boıynsha aqparattyq ortalyqtyń paıdalanýshylar sany 85 662 adamǵa jetken. 20 040 paıdalanýshy Taraz qalasynda ornalasqan 5 ortalyqtqa júginse, 65 622 adam aýyl kitaphanalaryndaǵy ortalyqtardyń paıdalanýshylary.

Jyl ishinde paıdalanýshylardyń túrli baǵyttaǵy 71 732 suranysy ınternet jelisi arqyly qanaǵattandyrylǵan. 20 myńnan asa suranys qala turǵyndarynan tússe, aýyl turǵyndarynyń 52 myńǵa jýyq suranysyn aýyldyq kitaphanalardaǵy sıfrlandyrylǵan aqparattyq ortalyqtar qyzmetkerleri jan-jaqty aqparatpen qamtamasyz etken.

Aqparattyq ortalyqtarda www.cao-zhambyl.kz saıty arqyly aýyl turǵyndarynyń kúndelikti turmysyna qajetti aqparattar, egov.kz portalyndaǵy birneshe qyzmet túrlerin alýǵa múmkindik jasalǵan. Búgingi kúni ortalyqtarda 10 myńnan asa anyqtama berilip, tikeleı saıt arqyly 3000-nan astam suranys qanaǵattandyryldy.

Mysaly, egov.kz portaly arqyly osy ýaqytqa deıin 8 qyzmet túri kórsetilse, búgingi tańda bul qyzmet aıasy kúnnen-kúnge keńeıtilip, qyzmet túri 13-ge jetti. Berilgen 10 649 anyqtamanyń 6054-i mekenjaı anyqtamasy bolsa, 1 337 zeınetaqy qorynan anyqtamalar, 1013 - sottalǵan nemese sottalmaǵan týraly anyqtamalar berilgen.

Bul salada qyzmet kórsetýmen aınalysatyn qyzmetkerlerdiń biliktiligin attyrý maqsatynda T.Rysqulov aýdanynda Baızaq, Qordaı, Merki, Moıynqum, T.Rysqulov, Shý aýdandarynyń kitaphana qyzmetkerleri, Jańatas qalasynda Jambyl, Jýaly, Sarysý, Talas aýdandarynyń kitaphanashylary «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamynyń Jambyl oblysy boıynsha fılıalynyń halyqqa qyzmet kórsetý boıynsha T.Rysqulov aýdandyq bóliminiń HR menedjeri A.Shapataeva jáne osy mekemeniń Sarysý aýdandyq bóliminiń mamany A.Alıbekovanyń «Sıfrly Kazaqstan: «eGov.kz» portaly arqyly kórsetiletin qyzmet túrleri jáne olardy oryndaý tásilderi» dárisnamalaryn tyńdap, «mGgov», «Telegram-bot», «EgovKzBot» qosymshalarymen jumys jasaý tásilderin praktıkalyq jumys barysynda pysyqtady. Klaster 150-den astam aýyl kitaphanashylaryn qamtydy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir