• USD 389.52
  • EUR 429.21
  • RUB 6.07
  • CNY 54.94
18 Qazan, 12:58:58
Sarapshylar joldaýdyń júzege asyrylýyn talqylady

21 Qyrkúıek, 2019 Aımaqtar

Sıfrlandyrylǵan aqparattyq ortalyqtar el ıgiligine qyzmet etýde

«Sıfrly Qazaqstan» memlekettik baǵdarlamasynda IT-qyzmet kórsetýdi damytý erekshe mańyzǵa ıe bolyp otyr. Osyǵan oraı, «Sıfrly Qazaqstan» baǵdarlamasy aıasynda óńir kitaphanalarynyń qoǵamdaǵy keńistigin damytý, olardy úzdiksiz ózgerip otyrǵan sharttarǵa beıimdelý maqsatynda Jambyl oblysynyń ákimi A.Myrzahmetovtyń bastaýymen oblystaǵy memlekettik kitaphanalar janynan sıfrlandyrylǵan aqparattyq ortalyqtar ashylýda. «Sıfrlandyrylǵan aqparattyq ortalyq ashý» tujyrymdamasynda kórsetilgendeı, ortalyqtar aýyl turǵyndaryn kórsetiletin elektrondyq aqparattyq qyzmet aıasyn keńeıtý, ártúrli sanattaǵy turǵyndardyń áleýmettik mańyzdy aqparattar men anyqtamalarǵa qoljetimdiligin arttyrý, sondaı-aq sharýa qojalyqtary, kásipkerlik sýbektileriniń, basqa da múddeli zańdy jáne jeke tulǵalardyń aýyl turǵyndarymen kezdesýler, bıznes-trenıngter men semınarlar ótkizý alańy retinde paıdalanýyna jaǵdaı týǵyzý maqsatynda óz qyzmetterin usynýda.

Búgingi tańda Jambyl oblysynda 274 memlekettik kitaphana óńir turǵyndaryna mádenı-aqparattyq qyzmet kórsetedi. 11 kitaphana Taraz qalasynda shoǵyrlansa, 263 memlekettik kitaphana óńirdiń 151 aýyldyq okrýginde qyzmet atqarady.

2018 jyldan bastap ústimizdegi jyldyń 8 aıy ishinde oblys kitaphanalarynan 18 «Kovorkıng» jáne 112 sıfrlandyrylǵan aqparattyq ortalyq ashyldy. Sonymen qatar, 2019 jyldyń sońyna deıin josparǵa sáıkes 19 okrýgte 20 ortalyq iske qosylady jáne qosymsha 17 aýyldyq okrýgtegi 19 kitaphanada osyndaı ortalyqtar ashý múmkindigi bar. Bul baǵytta júıeli jumystar júrgizilýde.

Sıfrlandyrylǵan aqparattyq ortalyqtarda jyldamdyǵy joǵary Internet jelisi arqyly túrli aqparat izdeý, keńesshi kómegi, qujattardy basyp shyǵarý, ıntellektýaldy qyzmet túrleri men qujattardy sıfrly formatqa engizý, óz betinshe jumys jasaý úshin kompıýterler usynýmen qatar e.gov kz portaly arqyly memlekettik qyzmet túrleri kórsetiledi. Onyń ishinde joǵary suranysqa ıe meken-jaılyq, zeınataqy qory anyqtamasy, balabaqshaǵa kezekte turǵany jaıly, jyljymaıtyn múlikter, azamattyń sottalǵan nemese sottalmaǵany týraly, t.b. anyqtamalaryn alýǵa bolady.

Sonymen qatar, búgingi tańda ortalyq qyzmetkerleri http://zhambyl.cao-zhambyl.kz saıty arqyly jergilikti turǵyndardy aýyl, aýdan, oblystyń qoǵamdyq, mádenı, ekonomıkalyq, áleýmettik ómiri aıasynda jan-jaqty aqparatpen qamtamasyz etý múmkindigine ıe bolyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir