• USD 389.52
  • EUR 429.21
  • RUB 6.07
  • CNY 54.94
15 Qazan, 15:37:29
Saılaý qarsańynda "joǵalyp ketken" akter Shrı-Lankadan sálem joldady (vıdeo)

21 Qyrkúıek, 2019 Aımaqtar

Jambylda "Jambylym – jer jannatym" esseler baıqaýy ótti

Taraz qalasynda Jambyl oblysynyń 80 jyldyǵy jáne Qazaqstan halqy tilderi kúni merekesine oraı ózge etnos ókilderiniń jastary arasynda esse jazýdan baıqaý ótti. Atalmysh shara 2019 jyldyń 28 qantarynda oblys ákimi bekitken is-sharalar josparynyń 26 tarmaǵyna sáıkes Qazaqstan halqy Assambleıasynyń «Qazaqtaný» ǵylymı-aǵartýshylyq jobasy aıasynda uıymdastyryldy.

Jambyl oblysy Qazaqstan halqy assambleıasy men oblys ákimi apparatynyń «Qoǵamdyq kelisim» KMM uıymdastyrǵan baıqaýǵa aımaqtyń joǵarǵy oqý oryndary men kolledjderden barlyǵy 60-qa jýyq stýdent qatysty.

Baıqaý memlekettik tildiń mańyzdylyǵyn sanaly túrde sezindire otyryp, qurmetteýge tárbıeleý, otansúıgishtik qasıetin arttyryp, elimizdiń básekege qabiletti jastar qataryna qosylýyna yqpal etý, jastardyń boıynda joǵary áleýmettik belsendilik pen shyǵarmashylyq áleýetin damytýdy maqsat etti.

Baıqaýǵa qatysýshylarǵa «Jambylym – jer jannatym» taqyrybynda 1 saǵat ishinde qazaq tilinde 250 sózden kem bolmaýy tıis jáne erejede kórsetilgen krıterıılerge saı esse jazý talaby qoıyldy.

Qazylar alqasy jazylǵan shyǵarmalardy baǵalap, baıqaý nátejıesin shyǵarǵansha qatysýshylar «Kóne Taraz» tarıhı-mádenı keshenin aralap, murajaı men Dostyq úıine saıahat jasady.

Marapattaý saltanatynda Taraz qalalyq №44 orta mekteptiń qazaq tili men ádebıeti pániniń muǵalimi Sáýle Sydyqova sóz alyp, baǵalaý qorytyndysyn jarııalady.

– Qazaq tilinde esse jazý ońaı bolmaǵany anyq. Dese de, oıtolǵaýdy basym kópshilikterińiz óte jaqsy deńgeıde, erejede kórsetilgen krıterıılerge saı jazyp shyqtyńyzdar. Qazylar alqasy jazylǵan esselerdi muqııat tekserip shyqtyq. Shyǵarmanyń joǵary saýattylyq deńgeıi, taqyryptyń aıqyn ashylýy, baıandaýdyń ádebı stıli jáne baıqaý taqyrybyna saı bolýy syndy basty talaptarǵa erekshe mán berildi, – dedi S. О́menqyzy.

Baıqaý qortyndysy boıynsha Taraz memlkettik pedagogıkalyq ýnıversıtetinen Margarıta Gazaeva men Abaı atyndaǵy Jambyl gýmanıtarlyq kolledjinen Ýlfedına Dýrsýnova I oryndy ıelendi. Jeńimpazdar baǵaly syılyqtar men dıplomdarǵa ıe boldy. Qalǵan qatysýshylarǵa jappaı yntalandyrý syılyqtary jáne alǵys hattar tabystaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir