Aýqymdy joba aýyl ajaryn ashýda

Memleket basshysy óz Joldaýynda aýyldyq jerlerdiń áleýmettik ortasyn jańǵyrtý qajettiligin aıtqan bolatyn. «Aýyldyq jerlerdiń áleýmettik ortasyn jańǵyrtýǵa da kirisýimiz qajet. Osyǵan baılanysty arnaıy «Aýyl - el besigi» atty jobany júzege asyrý qajet. Bul arqyly qazaqstandyqtardyń jergilikti jerdegi eńbegine qatysty ıdeologııany qolǵa alýymyz kerek. Bul ákimshilikterdiń mindeti», - dedi Memleket basshysy.

Aýyldardyń jaǵdaıyn jaqsartyp, aýyl halqynyń turmys óresin kóterý úshin qolǵa alynǵan «Aýyl - el besigi» jobasy qarqyndy jumys isteýde. Sonyń bir jarqyn mysaly Baızaq aýdanynda da kórinis tabýda. Joba aıasynda aýdan ortalyǵy – Sarykemer aýylyn damytýǵa baǵyttalǵan naqty ister júzege asyrylýda.

Atap aıtar bolsaq, «Aýyl - el besigi» jobasy boıynsha usynylǵan jobalardan Sarykemer aýylynda barlyǵy 948,0 mln. teńgege 29 joba iriktelip alyndy. Onyń ishinde, kóshelerdi jaryqtandyrýǵa 4 joba 372,6 mln. teńge, bilim nysandaryn kúrdeli jáne aǵymdaǵy jóndeýge 4 joba 253,7 mln. teńge, densaýlyq saqtaý salasy nysandaryn kúrdeli jáne aǵymdaǵy jóndeýge 2 joba 93,9 mln. teńgege, sport nysandaryn kúrdeli jáne aǵymdaǵy jóndeýge 3 joba 60,1 mln. teńge, mádenıet salasynda 5 jobaǵa 52,5 mln. teńge, joldardy jóndeýge 10 joba boıynsha 108,0 mln. teńge jáne jumyspen qamtý ortalyǵynyń ǵımaratyn aǵymdaǵy jóndeýge 7,2 mln. teńge qaralǵan.

Qazirgi tańda, 29 jobanyń jeńimpazdary anyqtalyp, 28 joba boıynsha jumystar júrgizilip, onyń 11 jobasy aıaqtaldy. Naqtysyn aıtqanda, Sarykemer aýylyndaǵy ortalyq aýrýhanany, balalar jasóspirimder sport mektebin, Sarykemer aýylyndaǵy Ǵ.Muratbaev atyndaǵy gımnazııanyń shaǵyn stadıonyn, Sarykemer aýylyndaǵy ortalyq kitaphana ǵımaraty men murajaıdy, Baızaq batyr, D.Qonaev, Tóle bı, J.Dıdarbekov, U.Syzdyqbaev, Naýryz, Saparalıev, M.Áýezov, M.Áýezov burylysy, Raıymbek baba, Buralqıev, Y.Súleımenov, Qulymbaev, Sypataı batyr, Báıdibek baba, M.Mámetova kóshelerin aǵymdaǵy jóndeý jáne Báıterek aýyldyq okrýgindegi Novaıa jáne Baızaq batyr kóshelerin elektrmen jaryqtandyrý, aǵymdaǵy jóndeý jumystary aıaqtaldy.

Aǵymdaǵy jyldyń shilde aıy men tamyz aıyna ıgerýge josparlanǵan qarajat 185 260 mln. teńgeni qurasa, onyń 184 798 mln. teńgesi ıgerilip, ıgerilmegen qarjy kólemi jergilikti bıýdjetten 5 690 mln.teńgeni qurap otyr.

«Aýyl — el besigi» aýqymdy jobasynyń aıasynda el damýynyń altyn besigi bolǵan aýyldar qarqyndy damyp keledi. Bul joba aldaǵy ýaqytta budan da úlken jetistikterge bastaıtyny sózsiz.