"Nur Otan" partııasy Taraz qalalyq fılıalynyń kezekten tys konferensııasy ótti

«Nur Otan» partııasy Taraz qalalyq fılıalynyń kezekten tys HHVIII konferensııasy ótti. Konferensııaǵa «Nur Otan» partııasy Jambyl oblystyq fılıaly tóraǵasynyń orynbasary Shábden Tileýmurat , «Nur Otan» partııasy Taraz qalalyq fılıaly Saıası keńesi men Saıası keńesi Bıýrosynyń, partııalyq baqylaý komıssııasy men Sybaılas jemqorlyqqa qarsy is-áreket jónindegi qoǵamdyq keńestiń músheleri, partııanyń oblystyq jáne qalalyq máslıhattaǵy depýtattyq fraksııasynyń músheleri men bastaýysh partııa uıymdarynyń tóraǵalary, qala ákimdiginiń bólimderi men memlekettik organdarynyń jáne kásiporyndardyń basshylary qatysty.

Konferensııaǵa saılanǵan 190 delegat kún tártibine qoıylǵan úsh máseleni qarady. Atap aıtqanda, delegattar Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynan týyndaıtyn mindetterdi, «Nur Otan» partııasy Taraz qalalyq fılıalynyń tóraǵasyn saılaý jáne «Nur Otan» partııasy Taraz qalalyq fılıaly Saıası keńesiniń quramyna ógertýler engizý máselelerin qarady.

Kún tártibinde turǵan 1-shi másele boıynsha partııa Taraz qalalyq fılıalynyń tóraǵasy, Taraz qalasy ákimi Qaırat Áskerbekuly Dosaev baıandady. Jáne taqyrypqa baılanysty «Nur Otan» partııasy Taraz qalalyq fılıaly Saıası keńesiniń múshesi, «Jambyl-Taraz» gazetiniń dırektor-bas redaktory, delegat Elmıra Inııatqyzy Myrza-Ǵalı, «Nur Otan» partııasynyń Taraz qalalyq máslıhatyndaǵy depýtattyq fraksııasy jetekshisiniń mindetin atqarýshy, Jambyl oblystyq «Rýhanı jańǵyrý» jobalyq ofısi mekemesiniń basshysy Serikbol Berikqoja, «Qumshaǵal» bastaýysh partııa uıymynyń tóraıymy Márııam Aıtbekova jaryssózge shyǵyp sóz sóıledi. Sondaı-aq, «Nur Otan» partııasy Jambyl oblystyq fılıaly tóraǵasynyń orynbasary Shábden Tileýmurat ta túsindire ketti.

Kelesi kezekte kún tártibindegi ekinshi máseleni, ıaǵnı «Nur Otan» partııasy Taraz qalalyq fılıalynyń tóraǵasyn saılaý máselesi qaraldy. Atalǵan másele boıynsha «Nur Otan» partııasy Jambyl oblystyq fılıaly tóraǵasynyń orynbasary Shábden Tileýmurat partııa Taraz qalalyq fılıalynyń tóraǵasy bolyp Qaırat Áskerbekuly Dosaevty saılaý usynysyn bildirdi. Delegattar ortaǵa salynǵan usynysty biraýyzdan qoldap, daýys berdi.

Sonan soń kún tártibindegi másele Qazaqstan Respýblıkasynyń Prezıdenti Q. Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynan týyndaıtyn mindetter týraly partııa Taraz qalalyq fılıalynyń tóraǵasy, qala ákimi Qaırat Áskerbekuly Dosaev baıandama jasady.