• USD 389.52
  • EUR 429.21
  • RUB 6.07
  • CNY 54.94
18 Qazan, 13:19:34
Sarapshylar joldaýdyń júzege asyrylýyn talqylady

21 Qyrkúıek, 2019 Aımaqtar

Amangeldi Sembın – "La Skalada" án salǵan tuńǵysh qazaq

Italııanyń Mılan qalasyndaǵy «La Skala» teatry álemdik mádenıettegi orny aıryqsha ǵımarat. «La Skala» sahnasynda álemge tanymal óner maıtalmandary ǵana kórsetedi. Al ótken ǵasyrdyń 70-jyldary bul teatr sahnasynda tuńǵysh qazaq balasyna án shyrqaý baqyty buıyrdy. Ol Jambyl oblysynyń, Sarysý aýdany, Jaıylma aýylynyń týmasy Amangeldi Sembın edi, dep jazady Qamshy.kz aqparat agenttigi. 

Álemdik mádenıettiń eń ozyq ordasy sanalatyn sahnada án shyrqaǵan Amangeldi Naqypuly Máskeý konservatorııasynyń vokaldyq bólimin támamdaǵan ánshi-pedagog. Bul oqý ornynda Amangeldi Sembın qazaqtyń asyl perzenti Dinmuhamed Qonaevtyń arnaıy stependııasymen bilim alǵan eken. Al 1973-1975 jyly ol Italııanyń Mılan qalasyndaǵy «La Skala» opera teatrynan tájirıbe jınaqtaýǵa jiberiledi. Osylaısha Amangeldi Naqypulynyń esimi qazaq óneri tarıhynda «La Skala» sahnasynda án shyrqaǵan tuńǵysh qazaq retinde altyn árippen jazyldy. Ári Amangeldi Sembınniń altyn daýsy álemge tanymal óner qaıratkerleri tarapynan oń baǵaǵa ıe bolǵandyǵy da aıtylady .

Elge oralǵan soń A.Sembın kásibı maman retinde Qazaq akademııalyq opera jáne balet teatrynda, Almaty teatr –kórkemsýret ınstıtýtynda solo-ánshisi, pedagog qyzmetterinde eńbek etti. Sondaı-aq ıtalıan-qazaqsha mýzykalyq termın sózdigi, «Saz sózdigi», «Án baǵdarlamasy», «Án álippesi» syndy ádistemelik oqý quraldaryn jazyp shyqqan.

Ol ańyzǵa bergissiz shyǵarmashylyq ǵumyrynda Germanııa, Fransııa, Chehoslavakııa elderine gastroldik saparmen baryp, qazaq ónerin kúlli Eýropa jurtshylyǵyn tanymal ete alǵan tulǵa. Osy eńbegi úshin Amangeldi Naqypulyna 1976 jyly Qazaqstannyń eńbek sińirgen ártisi ataǵy berildi.

Qazaq operasy tarıhynda Amangeldi Sembın esimi A.Jubanov pen L.Hamıdıdiń «Abaıynda», M.Tólebaevtyń «Birjan – Sarasynda», Dj.Verdıdiń «Travıatasy» men «Rıgolettosynda», P.I. Chaıkovskııdiń «Evgenıı Onegıninde», E.Brýsılovskııdi «Qyz Jibeginde», S.Muhamedjanovtyn «Jumbaq qyzynda», Dj.Pýchchınıdiń «ChıoChıo-Sanynda», Sh.Gýnonyń «Faýsynda», Mosarttyń «Don Jýanynda» belgili partııalardy óz deńgeıinde oryndaǵan opera ánshisi retinde de qaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir