• USD 389.52
  • EUR 429.21
  • RUB 6.07
  • CNY 54.94
16 Qazan, 01:40:37
Saılaý qarsańynda "joǵalyp ketken" akter Shrı-Lankadan sálem joldady (vıdeo)

21 Qyrkúıek, 2019 Aımaqtar

Jol da jóndeledi, gaz da tartylady

Memleket basshysy Qasym-Jomart Toqaevtyń bastamasynyń biri – «BIRGE» jalpyulttyq aksııasy. Ondaǵy basty maqsat – el turǵyndarynyń usynys-tilekterin jınaqtap tirkeý jáne jurtshylyq kótergen máselelerdi sheshý. Aksııa sheńberinde Jambyl oblysy boıynsha 30 myńnan asa usynystar men tilekter túsken. Qazirgi tańda olardyń oryndalýy boıynsha naqty jumystar atqarylýda. Barlyǵy saralanyp, sheshilýi tıis máseleler jaýapty mekemelerge úlestirilip, onyń júzege asýy búginde «Nur Otan» partııacynyń baqylaýynda alyndy.

-Túsken usynys-tilekterdiń birqatary baspana, jumyssyzdyq, jol jóndeý jáne aýyz sý men eldi mekenderge kógildir otyn jetkizý máseleleri. Baızaq aýdanynyń turǵyndarynan túsken usynystardyń deni aýylǵa gaz tartyp, ony úıdi-úıge kirgizý qunynyń qoljetimdi bolýy. Qazirgi tańda Baızaq aýdanynda 43 eldi mekenniń 60 paıyzy kógildir otynmen qamtylyp, turǵyndarǵa gaz turaqty berilýde. Aýdan aýmaǵyndaǵy gazdandyrylmaǵan eldi mekenderdi kógildir otynmen qamtý maqsatynda qazirgi tańda 9 aýylǵa gaz qubyryn tartý jumystary júrgizilýde. Bul bıylǵy jylǵy meje. Al aldaǵy eki jylda 21 eldi mekenge kezeń kezeńimen kógildir otyn jetkizý josparlanǵan. Qurylys jobasynyń jalpy quny – 3,46 mıllıard teńge,- «Nur Otan» partııasy Jambyl oblystyq fılıalynyń baspasóz hatshysy Nurjan Týǵanbaı.

Sonymen qatar, baızaqtyq turǵyndardy tolǵandyratyn taǵy bir másele – avtojoldardyń jóndelýi. Ras, aýdandy oblys ortalyǵymen baılanystyratyn úlken joldyń birqatar bóligi syn kótermeıdi. Sebep te joq emes. Taraz qalasyna tike aparatyn kúre tamyr da sol jol. Júk kólikteri de jıi qatynaıdy. Alaıda, azamattardyń tileginiń oryndalýy partııa nazarynda. Oblystyq mańyzy bar «Taraz-Sarykemer-Túımekent-Aqsholaq» avtojolynyń 3,4-4,4 shaqyrym aralyǵyn jóndeý jumystary kún tártibinde tur. Qazirgi ýaqytta merdiger kompanııa anyqtalyp, qurylys jumystary bastaldy. 2,5 mıllıard teńge qarajatty quraıtyn joba aıasynda qolǵa alynǵan is kelesi jyly tolyq aıaqtalady dep josparlanǵan.

Sondaı-aq «Taraz-Jetibaı-Tegistik-Oıyq» avtojolyn jóndeý jumystary da jiti baqylaýda. Jalpy quny 825 mıllıon teńge qarajatty quraıtyn qurylys jumysy bıyl bastalyp, nysan aldaǵy jyly paıdalanýǵa berilmek. Atalǵan avtojoldyń 7-60 shaqyrym aralyǵyna orta jóndeý jumystaryn jasaý 2020-2022 jyldar aralyǵynda iske asyrylady.

Avtomobıl joldaryn jóndeý máselesi boıynsha T.Rysqulov aýdany turǵyndary da «BIRGE» jalpyulttyq aksııasy aıasynda usynys-tilekterin joldaǵan bolatyn. Jalpy uzyndyǵy 8,8 shaqyrymdy quraıtyn aýdandyq mańyzy bar eki avtojoldy jóndeý josparlanyp, Qaraqat aýylyna kireberis jol men Tóreńózek-Kókaryq-Sholaq-Qaıyńdy avtojolyna ortasha jóndeý jumystary júrgizildi. Sondaı-aq bıyl aýdan boıynsha uzyndyǵy 22 shaqyrymnan asatyn 23 kóshe joldary jónge keltiriletin bolady. Qurylys jumystaryn qazan aıynda aıaqtaý kózdelgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir