• USD 468.56

  • EUR 497.56

  • RUB 7.3

  • CNY 67.18

29 Naýryz, 06:25:03
Almaty
+35°

23 Qyrkúıek, 2019 Barlyq aımaqtar

Túrikmen halqy prezıdenttiń "Alabaı" atty kitabyn alty kún toılady

Kitapty ózi jazdy ma, ózgeler jazyp berdi me, ol endi basqa áńgime.

Túrikmen eli alty kúnnen beri Prezıdent Gýrbangýly Berdimuhamedovtyń «Túrikmen alabaıy» atty  kitabyn toılap jatyr. Osyǵan baılanysty eldiń ár túkpirinde saltanatty jaǵdaıda is-sharalar ótýde.

Eń aldymen atalǵan kitaptyń tusaýkeseri Mınıstrler kabınetinde ótip,  Prezıdent mınıstrlerge týyndysyn syıǵa tartty. Sodan keıin Prezıdent alabaı  týraly jazǵan óz óleńin oqydy.

Alabaı

Odan keıingi shara eldiń saltanatty saraıynda ótti. Oǵan eldiń maqtaýly azamattary arnaıy shaqyryldy. Osy is-sharada Prezıdenttiń sózine jazylǵan «Túrikmen alabaıy» atty  án oryndaldy. Úshinshi kúni Qoǵamdyq uıymnyń ortalyǵynda  ótken jıynda sóz sóılegender Prezıdent jazǵan «Túrikmen alabaıy»  men Berdimuhamedov qoltańbasynyń erekshiligine toqtaldy. Oǵan eldegi barlyq mınıstrler, partııa músheleri, BAQ ókilderi men aýdandyq deńgeıdegi depýtattarǵa deıin qatysty.  

Tórtinshi kúni Prezıdent Gýrbangýly Berdimuhamedov Syrtqy ister mınıstrliginde búkil elshilerdi jınap, alabaı ıtiniń artyqshylyqtary týraly sóz etti.

Besinshi kúni Aýyl sharýashylyǵy kesheniniń konferens zalyna jınalǵandar eldegi aýyl sharýashylyǵy salasynyń barlyq mamandary taǵy da Berdimuhamedovtyń túrikmen halqyna bereri kóp ekenin aıtyp tarasty.

Alabaı ıti

Al altynshy kúni Prezıdenttiń balasy Ahal ýalaıatynyń hokımi Serdar Berdimuhamedov alabaı tuqymyn ósiretin arnaıy sharýashylyqtyń ashylǵanyn jarııa etti. Sóıtip, Gýrbangýly Berdimuhamovtyń shabarmandary alty kún boıy kóregen basshynyń  túrikmen alabaıynyń artyqshylyǵy týraly  jazǵan kitabyn jyr qyldy.

Al Gýrbangýly Berdimuhamedov bul kitapty 2 aı 18 kún jazǵan kórinedi.

...Kitapty ózi jazdy ma, ózgeler jazyp berdi me, ol endi basqa áńgime.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir