• USD 389.52
  • EUR 429.21
  • RUB 6.07
  • CNY 54.94
21 Qazan, 01:40:21
Nazarbaev: "Nur Otan" halyqty mazalaıtyn máselelerge aralaspaıdy

23 Qyrkúıek, 2019 NEWS

SmartCity Challenge hakaton ótedi

Almatyny damytý ortalyǵy qala ákimdiginiń qoldaýymen Almaty SmartCity Challenge hakaton – qalalyq jarys ótkizedi, dep jazady qalalyq ákimdiktiń resmı saıty.

Almaty ákimdiginiń baspasóz ortalyǵynda ótken brıfıngte «Almatyny damytý ortalyǵy» AQ basqarma tóraǵasynyń orynbasary Oleg Sek atalǵan sharanyń belgili bir sala boıynsha jańa ıdeıanyń týyndaýyna jáne týra sol ortada ony júzege asyrýdy yntalandyrýǵa yqpal etetinin habarlady.

Hakaton formatynyń basty ereksheligi – biliktiligi men mamandyǵy túrli jandardyń basyn qosa otyryp, mentorlardyń, ıaǵnı tálimgerlerdiń basshylyǵymen jańa taqyryptyq salany ıgerýge múmkindik berý.

Jobalar ıdeıa,iske asyrý (maket, ınterfeıs, fýnksıonaldyq), sonymen qatar ótkiziletin sharalar (tusaýkeser, sıpattama, shyǵyp sóıleý) arqyly baǵalanady. Negizgi sharty – joba tikeleı hakatonda ázirlenip, qatysýshylardyń burynǵy jobalaryn qaıtalamaýy jáne jalǵastyrmaýy tıis.

Sharaǵa qatysýshylardyń barlyǵy jańa sıfrlyq servıster men ónimderdi Almaty basshylyǵy men sarapshylarǵa kórsetý, Almatynyń qalany damytý ortalyǵynyń qoldaýy arqyly pılotty jobalardy iske asyrý men engizý múmkindige ıe bola alady.

5-6 qazanda Q-Lab (Abaı dańǵyly, 90) qalalyq jobalar zerthanasynda baǵdarlamalyq ónimderdiń otandyq jasaýshylary jańa sıfrlyq servıster men ónimder shyǵarý úshin komandalarǵa birigetin bolady. Ideıa men onyń túpnusqasyn júzege asyrý ýaqyty – 24 saǵat.

18 qyrkúıek pen 3 qazan aralyǵynda komandalar men jeke qatysýshylardan ótinish qabyldanady, sodan soń komanda (komandanyń ár múshesi tirkeýden ótýi tıis) jasaqtalady. Tirkeý formasy toltyrylǵan soń qatysýshylardyń elektrondy mekenjaıyna quptalǵan hat jiberiledi. Q-Lab alańy beıdj boıynsha qoljetimdi.

Hakatonnyń birinshi kúni komandalar jasaqtalady, pıtchıng ıdeıalar túsindiriledi, tálimgerlermen, quramynda sarapshylar, kásipkerler men otandyq kompanııalar basshylary bar jıýrı múshelerimen tanystyq bastalady. Jarysqa qatysýshylarǵa myna taqyryptar boıynsha: ekologııa, trafık jáne keptelis, kreatıvti ekonomıka, medısına, qaýipsizdik, qoǵamdyq kólik, bilim, TÚKSh tapsyrma beriledi.

Hakaton jeńimpazdaryna aqshalaı syılyqtar beriledi: birinshi oryn – 1,5 mln teńge, ekinshi oryn – 1 mln teńge, úshinshi oryn – 500 myń teńge.

Sońǵy kúni komandalar jıýrıge óz túpnusqalaryn usynady.

Almaty SmartCity Challenge qalaı qatysýǵa bolady:

  1. kanal @almatyhackathon-daǵy jańalyqtardy qaraǵan jón.
  2. Úshinshi qazanda túngi saǵat 23.00-ge deıinhttps://hackathon.smartalmaty.kz. jeke tirkelýden ótý qajet.
  3. Jeke tirkelýden oıdaǵydaı ótken soń 2-den 5 adamǵa deıin komandany jasaqtaý kerek.

Jalpy suraqtar boıynsha: hackathon@almatydc.kz, +7 (727) 224 39 29 (ishki 116, 126, 125).

Demeýshilik kórsetý boıynsha: b.shadayev@almatydc.kz.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir