• USD 468.56

  • EUR 497.56

  • RUB 7.3

  • CNY 67.18

28 Naýryz, 14:52:05
Almaty
+35°

Búginde Taraz qalasyndaǵy ortalyq kóshelerde jol belgileri men baǵdarshamdardyń baǵyttaǵyshtary tolyqtaı retke keltirilýde. Munyń barlyǵy da kólik júrgizýshileri men jaıaý júrginshilerdiń qaýipsizdigi úshin jasalyp jatqan sharalar. Osy oraıda biz oblystyq jergilikti polısııa qyzmetiniń ákimshilik polısııa basqarmasy jol-tehnıkalyq ınspeksııa bóliminiń bastyǵy Nıkolaı Sonnan jol qaýipsizdigin men qozǵalysty qamtamasyz etý jáne ony jaqsartýdyń mańyzy aıryqsha ekenin aıtady. Bul máselelerdi retke keltirý úshin oblystyq Polısııa departamenti oblys aýmaǵyndaǵy joldarda bolatyn keleńsizdikti joıý, jol-kólik oqıǵalaryn turaqtandyrý jáne jol qozǵalysyn uıymdastyrýdy jaqsartý maqsatynda jyl basynan beri oblystyń avtomobıl joldaryna 1 203 tekserý jumystaryn júrgizipti.

-Tekserý barysynda 13 000 shaqyrymǵa jýyq jol qamtyldy. Nátıjesinde 8 000-nan astam kemshilikter anyqtalyp, ol boıynsha tıisti mekeme basshylaryna 1 203 uıǵarym hat joldandy. Joldy kútip ustaýda oryn alǵan kemshilikter boıynsha jergilikti atqarýshy organdarǵa jáne oblys pen aýdan prokýratýralaryna 178 málimet jiberilip, joldardy qanaǵattanarlyqsyz kúıde ustaǵany jáne jol qaýipsizdigin qamtamasyz etpegeni úshin 88 laýazymdy tulǵa ákimshilik jaýapkershilikke tartyldy.

Oblys avtojoldaryna 2 200-ge jýyq jol belgileri men 100 metr jasandy kedir-budyr (vıbrator) ornatylyp, 46 500 metr jol belgisi engizildi. 86 430 sharshy metrden astam jol jabyndysy jóndeldi jáne 1 100 metr qorshaý qurylǵylary qalpyna keltirildi. Sonymen qatar respýblıkalyq mańyzy bar avtomobıl joldaryndaǵy jol qozǵalysyn uıymdastyrýdy jaqsartý boıynsha qabyldanǵan is-sharalar eldi-mekenderdiń kóshe-jol jelilerine de qoldanylýda. Aǵymdaǵy jyly Taraz qalasyndaǵy 135 baǵdarshamnyń 72 paıyzynyń qaıta qurý jumystary aıaqtaldy, 10 negizgi jol qıylysynda baǵyttardyń jumys júktemesine baılanysty basqarý sıklderin avtomatty túrde ózgertetin «Aqyldy baǵdarsham» jelilik baǵdarlamasy ornatylyp, Taraz qalasynyń basty kósheleriniń ótkizý qabiletin arttyrý maqsatynda kólikterdiń 6 jolaqty qozǵalysy uıymdastyrylyp jáne oń jaqty burylystar salyndy.

Sonymen qatar qazirgi ýaqytta jergilikti atqarýshy organdarmen birlesip Abaı jáne Tóle bı danǵyldaryna «Jasyl tolqyn» qozǵalysty basqarýdyń avtomattandyrylǵan júıesin engizý jumystary júrgizilip jatyr, – dedi N.Son

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir