• USD 389.52
  • EUR 429.21
  • RUB 6.07
  • CNY 54.94
16 Qazan, 03:54:26
Saılaý qarsańynda "joǵalyp ketken" akter Shrı-Lankadan sálem joldady (vıdeo)

19 Qyrkúıek, 2019 NEWS

Alyp shahardy sýmen qamtý júıeli jalǵasýda

Almaty ákimdiginiń baspasóz ortalyǵynda ótken brıfıngte Energotıimdilik jáne ınfraqurylymdyq damý basqarmasy sý resýrstaryn basqarý jáne gazdandyrý syzbasyn júzege asyrý bólimi basshysynyń mindetin atqarýshy Nurlan Omarhanov 2018 jyly qalada 228 km sý qubyrlary men 207 káriz jelileriniń salynǵanyn jáne jóndelgenin aıtty, dep jazady www.almaty.gov.kz saıty. 

Nátıjesinde, 90 myń qala turǵyny ortalyq sý júıesin (Qalqaman, Dostyq, Shańyraq-1,2, Darhan, Baıbesik, Jas Qanat, Qarasý, Altyn Besik, Alǵabas, Kókqaınar, Uljan-1,2, Rahat-Mádenıet, Trýdovık, Taýgúl-3 yqshamaýdandary, Z.Kosmodemıanskaıa, Gornovostochnyı, Granovskıı kósheleri) paıdalanatyn boldy.

Qazirgi kezde bul jeliler paıdalanýǵa beriledi jáne joǵaryda atalǵan eldi mekenderdegi úıler ortalyq sý jelisine qosylady. «Almaty sý» MKK men tutynýshy arasynda kelisim jasalǵan soń abonentter ortalyq jeli qyzmetin qoldanatyn bolady.

Bıylǵy jyly 167 km sý jáne 147 km káriz qubyrlaryn salý josparlanǵan, qazirdiń ózinde 8 km sý jáne 75 km káriz jelileriniń qurylysy (Dýman, Áıgerim, Jumysshy kenti, Qurylysshy, О́jet, Shańyraq-5, Qaırat, Qarasý, Shapaǵat (Zarıa-Vostoka), Kókshoqy eldi mekenderi men Radýga, Qazybaev, Boraldaı, Galıleı kósheleri) aıaqtaldy.

Bulardan ózge, Almaty turǵyndaryn úzdiksiz sapaly sýmen qamtamasyz etý úshin KÝST-19, Zapadnaıa-1, GNTK-2, Balqash sý bógetteri men kárizge arnalǵan nasosty stansalarda ( Tastak, Bekmahanov, Kókqaınar, Trýdovık) jóndeý jumystary júrýde.

8 yqshamaýdannyń (Quramys, Jaılaý, Taýjoly, Kolhozshy, Álmerek, Birinshi maı, Alǵabas, Boraldaı) 40 myń turǵynyn sýmen qamtamasyz etý úshin jeliler salý jumystary bastaldy. Olardaǵy sý qubyrlarynyń jalpy uzyndyǵy 142,8 km, káriz jelileriniki – 106,9 km.

3 yqshamaýdannyń (Aqjar, Kamensk shatqaly, Kólsaı) 18 myń turǵynyn sýmen qamtý úshin qurylys-montaj jumystaryn júrgizýge baıqaý baıqaý jarııalandy, bulardaǵy sý qubyrynyń uzyndyǵy 50,1 km, kárizdiki – 23,3 km.

53 myń turǵyndy qamtıtyn 8 yqshamaýdan boıynsha (Shuǵyla, Qarǵaly, Qaraǵaıly, Tastybulaq, Taýsamaly-Kamenka, Sulýsaı, Býtakovka, Terekti) jobalyq-smetalyq qujattar ázirlenýde. Memsaraptama oń usynys berse, jyl aıaǵyna deıin 117,6 km sý, 110,2 km káriz jelilerin tartý josparlanǵan.

«Almaty Sý» MKK bas dırektorynyń orynbasary – óndiris jónindegi dırektor Berik Jambylov 2019 jyly kásiporyn tarapynan sýmen jabdyqtaý sharalaryna 2 mlrd. teńgeden astam qarjy jumsalǵanyn aıtty. 11,7 km sý qubyrlary jóndeldi, tozǵan 2,8 km jeliler, órt sóndiretin 142 gıdranttar birligi, 337 jyljyǵyshtar jańardy.

500 km astam sý qubyrlary men 300 km astam káriz jelileri, 70 km káriz qubyrlary, 22 myń qudyq jýylyp, tazartyldy. О́rt sóndiretin 881 gıdranttar, 2250 shekteýli armatýralar jáne 566 nasosty qondyrǵy birligi, 248 jabý klapandary birligi jóndeýden ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir