• USD 389.52
  • EUR 429.21
  • RUB 6.07
  • CNY 54.94
21 Qazan, 01:44:24
Nazarbaev: "Nur Otan" halyqty mazalaıtyn máselelerge aralaspaıdy

23 Qyrkúıek, 2019 NEWS

"Maǵan dese, asylyp qalsyn": Elorda ákiminiń orynbasary Aqordaǵa barǵan analarǵa ashýly (vıdeo)

Nur-Sultan qalasy ákiminiń orynbasary men kópbalaly analardyń kezdesýinen túsirilgen vıdeo áleýmettik jelide qyzý talqyǵa túsýde, – dep jazady Qamshy.kz aqparat agenttigi. Ákim orynbasary qalada eshqandaı páterdiń joqtyǵyn aıtýda.

"Biz ýáde berdik. Ýádemizdi oryndaımyz. Al sizder Aqordanyń aldyna baryp, aıǵaılap júrsizder. Men endi óz mindetimdi atqarmaımyn. Aqordaǵa baryńyz, taǵy basqany isteńizder men sizderge páter bermeımin. Shydaı turyńyzdar dedim. Kelisken edik. Arnaıy adamdardy jınap, komıssııa qurdyq. Biraq bári birden bola qoımaıdy ǵoı. Men qazir qalaı sizderge 14 páterdiń kiltin taratamyn? Qaltamnan shyǵaryp jatqanym joq qoı. Adam sekildi aıtyp turmyn, páter joq. Meni óltirseńizder de qalada páter joq!", –  dedi ákimniń orynbasary. 

Keıin kezdesýge kelgen analardyń biri ákimniń orynbasaryna bótelke laqtyryp, "ólemin" dep aıǵaılaıdy. 

"Bótelkeni laqtyrma. Sen kimsiń? Men ózim páter jaldap turamyn. Maǵan bótelke laqtyryp, balaǵattaýdyń qajeti joq edi. Men endi bótelke laqtyrǵan áıelmen birge jumys istemeımin. Maǵan dese Aqordaǵa barsyn. Maǵan dese asylyp qalsyn. Bul ne degen mádenıetsizdik? Biz belgili bir ýaqyt berýlerińizdi surap otyrmyz. Kishkene shydańyzdar. Nege birden maǵan kelmeısizder? Nege Aqordanyń aldyna barasyzdar. Sizder Aqordanyń aldyna barǵandaryńyz úshin men bul máseleni sheshpeımin. Kerek deseńizder sottańyzdar. Meniń shydamym taýsyldy", – deıdi ashýlanǵan ákimniń orynbasary.  

Alaıda analar ákim orynbasarynyń bul sózimen kelispeı otyr. Kópbalaly analardyń biri 2 apta boıy dalada qonyp júrgenin aıtty. 

"Sizdiń aldyńyzǵa keldik. Biz 15 qyrkúıekke deıin kútemiz dedik. Ýádemizde turdyq. Alaıda siz ýádeńizdi oryndamadyńyz" deıdi kópbalaly ana. 

"Endi eshqandaı páter joq. Aqordaǵa 3-ret bardyńyzdar. О́z kezekterińizdi kútińizder. Kezekterińiz kelgende páterlerińizdi alasyzdar. Men sizdermen jeke-jeke jumys istemek boldym. О́tinishterińizdi oryndaýǵa kelistim", –  deıdi ákimniń orynbasary. 

Kópbalaly analar ákimniń qur ýáde ǵana bergenin, osyǵan deıin aldap kelgenin aıtyp, narazylyq bildirdi. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir