Almatyda 620 myń jańa jumys oryndaryn qurý kerek

B. Saǵyntaev Kazakhstan Growth Forum 2019 jıynynda sóılegen sózinde Elbasynyń tapsyrmasy boıynsha qazirgi kezde uzaq merzimdi perspektıvaǵa arnalǵan Almatyny damytýdyń jańa strategııasyn jasaý boıynsha jumys júrip jatqanyn habarlady, dep jazady ákimdiktiń baspasóz qyzmeti.

Qujat jobasyna sáıkes, qalanyń tómengi aýdandaryndaǵy 6 aýmaqty damytý josparlanýda: jańa qalalyq orta Downtown, Soltústik qaqpalar, Shyǵys qaqpalar, Batys qaqpalar, Ońtústik qaqpalar, «Alataý» PIT AEA.

Bul aımaqtarda turǵyndardyń edáýir ósimi shoǵyrlanatyn bolady. Shamamen 620 myń jumys oryndaryn qurý qajet.

Munda aýqymdy turǵyn úı qurylysy bastalady, áleýmettik ınfraqurylymdar men saýda oryndary qajet, bıznes úshin úlken múmkindikter bar.

Bulardan ózge, qazanda kópshilikke aldaǵy úsh jylǵa arnalǵan «Jańa Almaty» konsepsııalyq jospary usynylady.

Jańa Almatyny damytý josparynda eń mańyzdy jáne turǵyndardy tolǵandyratyn ózekti máselelerdi sheshý joldary kórinis tabady.

Birinshiden, sýmen qamtý, syrtqy jaryq, joldardy salý men jóndeý, qolaıly qoǵamdyq kólik.

Ekinshiden, damyǵan áleýmettik ekonomıka jáne ınfraqurylymdy jańartý.

«Damyǵan megapolıstegi tapshylyqty joıý jáne jańa qajettilikterdi qamtamasyz etý úshin ınvestısııa kólemin eselep arttyrý qajet. Ol úshin MJÁ jáne jeke sektordy tartý mehanızmderi utymdy paıdalanylady. Munda bıznestiń qatysýyna dańǵyl jol ashylǵan, seriktestik úshin jaqsy múmkindikter bar», –  dedi B. Saǵyntaev.