• USD 389.52
  • EUR 429.21
  • RUB 6.07
  • CNY 54.94
17 Qazan, 12:11:43
Prezıdenttik jastar kadr rezervine irikteýdiń kelesi kezeńine 904 qatysýshy ótti

19 Qyrkúıek, 2019 NEWS

Megapolısti damytýdyń jańa saıasaty bastaldy

B. Saǵyntaev Kazakhstan Growth Forum 2019-da sóılegen sózinde Almatyda birqatar ózekti máselelerdi júzege asyrý qajet ekenin habarlady, dep jazady almaty.gov.kz saıty.

Almaty elimizdiń kósh bastaýshysy retinde jylyna 5% ekonomıkalyq ósim berýi tıis. О́tken jyly IShО́ fızıkalyq kóleminiń ındeksi nebári 2,8% ósti – bul halyq ósiminiń qarqynynan tómen (2,9%).

Mańyzdy mindet – eńbekpen qamtý qurylymynda qaıshylyqtardy joıý, bilim, densaýlyq saqtaý, kásibı jáne ǵylymı-tehnıkalyq is-qımyl, aqparattyq tehnologııa enetin áleýmettik ekonomıka úlesin arttyrý.

«Halyqtyń tabysynyń ósýi turý jáne kóshý shyǵyndarynan artyq bolýy tıis. Úlken qala shyǵyndardy azaıtýdyń aýqymdy yqpalyn usyna alady. Munyń máni belsendilik pen yntymaqtastyq», – dep atap ótti B. Saǵyntaev.

Ol qala ekonomıkasyn ósirýdiń perspektıvaly «núktelerin» atady. Olar: logıstıka, qurylys, qarjy men saqtandyrý, smart ındýstrııa, sán ındýstrııasy, óner, kóńil kóterý jáne demalý, týrıstik ındýstrııa jáne jyljymaıtyn múlik operasııalary.

Almatyda tehnologııada, densaýlyq saqtaýda, halyqaralyq bızneste, menedjmentte, tabıǵı ekojúıelerdi basqarýda, ózge de qalaǵa qajet salalarda kásipkerler, mamandar úshin úzdik Orta Azııalyq áleýmettik lıft bolýy tıis.

«Iаǵnı, Almatyda «Almatylyq arman» («amerıkalyq armanǵa» uqsas) oryndalýy tıis. Almatyda adamı kapıtal óz isiniń bilgirleri arqyly damyp, ár óńirden daryndardy tartyp, qala turǵyndary arasynda básekege qabilettilikti arttyrý qajet. Sonda ǵana ınvestısııalar, kompetensııalar men ınfraqurylym bizdiń qalamyzdy damytýdyń shynaıy vektoryna aınalady», –  dedi B. Saǵyntaev.

Almatylyqtardyń ómir deńgeıiniń sapasyn arttyrý úshin keshendi máselelerdi sheshý qajet. Olar – ekologııa jáne qoǵamdyq qaýipsizdik, sapaly bilimniń qoljetimdiligi, densaýlyq saqtaý, áleýmettik servıs, aýqymdy turǵyn úı qurylysy, qalanyń ınfraqurylym bazasyn modernızasııalaý, abattandyrý men jasyldandyrý.

«Eń sońǵysy, Almatynyń áleýmettik-ekonomıkalyq damýynda «Ortalyq – shet» jelisinde bazalyq aıyrmashylyqty joıý», – dedi B. Saǵyntaev.

Áleýmettik jaǵdaıda «eki Almaty» qalyptasýda. Birinshisi – jetilgen, jaıly jáne qolaıly ortalyq bólik, ekinshisi – artta qalǵan jetilmegen shet aımaq.

«Meniń pozısııam mynadaı: megapolıstiń barlyq aýdandarynda turǵylyqty jerlerine qaramastan, almatylyqtardyń ómir súrýi úshin joǵary standartty qamtamasyz etý. Men qalamyzdyń «Shetsiz qala» bolýyn jaqtaımyn. Zamanaýı qalalar ortalyqtandyrylǵan, ár aýdannyń óz tartymdylyǵy jáne ósý draıveri bolady. Iri mega-qalalarda keri prosesster júredi, ıaǵnı adamdar qala mańyna qonystana bastaıdy. О́ıtkeni olarda ómir súrý deńgeıi joǵary. Demek, qala ınfraqurylymyn damytýda aımaqtyq pen jergilikti ortalyqtardyń damýy eskerilýi tıis», – dedi B. Saǵyntaev.

B. Saǵyntaev «Shetsiz qala» qaǵıdasy boıynsha megapolısti damytýdyń jańa saıasaty bastalǵanyn habarlady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir