• USD 389.52
  • EUR 429.21
  • RUB 6.07
  • CNY 54.94
18 Qazan, 13:03:45
Sarapshylar joldaýdyń júzege asyrylýyn talqylady

21 Qyrkúıek, 2019 Aımaqtar

Úı irgesindegi jerler tıimdi paıdalanylýy kerek

Shaǵyn jáne orta kásipkerlikti damytý-elimizdiń strategııalyq maqsattarynyń biri. Memleket basshysy Q.Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Joldaýynda da bıznestiń alǵa basýy úshin naqty mindetterdi aıqyndap berdi. Bul baǵytta Jambyl oblysynda da jarqyn jobalar júzege asatyn bolady. Sonyń ishinde qosalqy sharýashylyqtardy damytý pılottyq jobasynyń bereri mol bolmaq.

Atalmysh joba aýqymy jáne qarjy máselesi eskerile otyryp, bıyl ár aýdannan bir aýyldyq okrýgta bastaý almaq. Sonda jalpy sany 10 aýyldyq okrýg 23 eldi-meken qamtylady. Bul maqsatqa 7,2 mıllıard teńge qajet.

Al ekinshi kezeńde, ıaǵnı 2020-21 jyldary qalǵan 143 aýyldyq okrýgke 39,2 mıllıard teńge qajet bolady.

Birinshi kezeńde 42 myń adamdy quraıtyn 7 myń aýla qamtylady. Nátıjesinde kelesi jyldyń qorytyndysymen qosalqy sharýashylyqtan túsetin ortasha aıylyq tabys 41 myńnan teńgeden 104 myń deıin óspek, arǵy jyldary tabys budanda artatyn bolady.

Aıta ketý kerek, jobanyń birinshi baǵyty úı irgesindegi jerlerdi tıimdi paıdalanýǵa negizdelip otyr. Qazirgi tańda 10 pılottyq okrýgterdegi 7 myńnan astam aýlada 1117 gektar úı irgesindegi jerler bar. Olardyń 853 gektary ár túrli deńgeıde paıdalanýda (76%), sonyń ishinde 157 gektaryna (19%) ónimdiligi óte tómen jońyshqa egilgen. Al 264 gektar nemese 24 paıyzy ıgerilmeı jatyr.

Buǵan qosa qoldanystaǵy jerdiń de ónimdiligi óte tómen. Sebebi, sapaly tuqym, tyńaıtqyshtar men pestısıdter qoldanylmaıdy jáne ónim bir-aq ret alynady.

Joba aıasynda kooperatıv esebinen tıimdi daqyldardyń sapaly tuqymymen, pestısıdter jáne tyńaıtqyshtarmen qamtamasyz etiledi. Jáne daqyldar eki aınalymda egiletin bolady. Bunyń bári ár aýyldyq okrýgtyń tabıǵaty, jeri, sýy eskerile otyryp sanaldy.

Ol úshin 298 tonna tuqym, 715 myń kóshet, 3,7 tonna pestısıd, 164 tonna tyńaıtqysh satyp alynady. Bastama retinde 76 otbasylyq jylyjaı salynady jáne sýmen qamtýǵa qatysty jumystar júrgiziledi. Tehnologııany saqtaý úshin aýyldyq okrýgter agronommen qamtylady.

Nátıjesinde ónimdilik 2 esege, ónim kólemi 3 esege artatyn bolady. Sátin salsa, bul joba talaı otbasynyń tabysyn arttyryp, yrysyn molaıtpaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir