• USD 389.52
  • EUR 429.21
  • RUB 6.07
  • CNY 54.94
14 Qazan, 05:23:52
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

21 Qyrkúıek, 2019 Aımaqtar

Qosalqy sharýashylyqtan qomaqty qarajat túsedi

Memleket basshysy Qasym-Jomart Toqaev «Syndarly qoǵamdyq dıalog- Qazaqstannyń turaqtylyǵy men órkendeýiniń negizi» atty Joldaýynda ekonomıkany órkendetýdiń birden-bir tetigi retinde shaǵyn jáne orta kásipkerlikti damytýǵa aıryqsha nazar aýdarǵany belgili. Bul turǵyda tıimdilikke basymdyq berilmek.

Osy oraıda Jambyl oblysynda aımaq basshysy Asqar Myrzahmetovtiń bastamasymen áleýmettiń áleýetin arttyrýǵa baǵyttalǵan pılottyq joba júzege aspaq. Bul bastamany Asqar Isabekuly jýyrda ǵana Úkimet múshelerine tanystyryp, tıimdiligin dáleldep berdi.

Taldaý nátıjesi kórsetkendeı, qazirgi tańda Jambyl oblysyndaǵy taýarly sharýashylyqtarda 55 myń, bıýdjettik, ózge de 122 myń adam mekemelerde jumys jasaýda. Iаǵnı 177 myń adamnyń belgiligi dárejede turaqty tabysy bar. Al, qalǵan 151 myń halyq áleýmettik tólemder, maýsymdyq jumystardan, qosalqy sharýashylyq esebinen kúnkóris keshýde.

Qoldanystaǵy baǵdarlamalarmen jyl saıyn 35-37 myń adam jumyspen qamtýdyń belsendi sharalaryna tartylýda. Osy oraıda, aýyldy jerdegi halyqty jappaı jumyspen qamtýdyń birden bir joly – ol qosalqy sharýashylyqqa qoldaý kórsetip, damytý.

Zerdeleý barysynda qosalqy sharýashylyqtar óndiris pen tabys kózi ekenin kórsetip otyr. Oblystyń jalpy aýylsharýashylyq óniminiń 43 paıyzyn, al sút pen ettiń 60 paıyzyn osylar óndiredi. Bul memlekettik qoldaýsyz.

Sondyqtan, aýyl turǵyndarynyń tabysyn jaqsartý úshin qosalqy sharýashylyqtardy qoldaýǵa baǵyttalǵan maqsatty memlekettik saıasatty júzege asyrýdyń tıimdiligi zor bolmaq.

Elbasynyń jáne Prezıdenttiń halyq turmysyn jaqsartýǵa qatysty bergen tapsyrmalarynyń aıasynda oblystaǵy barlyq eldi mekendegi 138 myń aýla tolyq zerdelengen. Nátıjesinde bir úıdiń aı saıynǵy qosalqy sharýashylyqtan ortasha tabysy 25-30 myń teńgeni quraıtyny anyqtaldy.

Sonymen birge, aıyna 500 myń teńge taýyp otyrǵan qosalyqy sharýashalyqtar da bar. Mine, osyndaı jaǵdaılardy eskere kele Jambyl jerinde jumyr jospar túzilýde. Aımaq basshysy Asqar Myrzahmetov usynǵan pılottyq jobanyń kóp uzamaı-aq óz jemisin beretindigine jergilikti bılik te, jurtshylyq ta senimdi. Osylaısha qosalqy sharýashylyqty damytý arqyly áleýmettiń áleýeti arta túsetin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir