Almatyny damytýdyń strategııalyq baǵyttary

Almaty ákimi B. Saǵyntaev Kazakhstan Growth Forum 2019 Almaty City: Vision 2025 baıandama jasap, qalany damytýdyń strategııalyq baǵyttary týraly aıtty, dep jazady qalalyq ákimdiktiń baspasóz qyzmeti.

Almaty ákiminiń sózi boıynsha, Almaty Regional Solutions – Qazaqstan men búkil Ortalyq Azııa úshin usynystar men sheshimder kórinis tabatyn kásiporyndar, nysandar, qyzmet kórsetý oryndary, qalalyq ımıdj jáne mıkroahýal. Bular barlyq óńirge óz taýarlaryn ótkizetin almatylyq óndirýshiler. Bular ózderiniń jumysyn búkil Orta Azııa boıynsha júrgizetin halyqaralyq kompanııalar men bankterdiń bas ofısteri.

Bular 2000 km radıýste (Sax 5th Avenue men logıstıkalyq keshender) saýda jasaıtyn turǵyndar men óńirdiń saýdagerleri nemese óz taýarlaryn turǵyndarǵa usynatyn saýda ortalyqtary men bazarlar (Altyn Orda bazary men Magným).

Bul Ońtústik Qazaqstan men Qyrǵyzstan turǵyndary úshin tranzıttik pýnkt bolatyn Almatynyń áýejaıy.

Batys pen Shyǵystyń qonaqtaryn tartatyn damyǵan týrıstik ındýstrııa. Álemdik týrıstik naryqtyń perspektıvaly baǵyttary: mádenı, iskerlik, emdeý-saýyqtyrý jáne ekologııalyq týrızm.

Bul halyqaralyq jáne azııalyq sport oıyndary (Azıada, Ýnıversıada, Orta Azııalyq oıyndar, halyqaralyq kúres týrnırleri), salaýatty ómir salty áýesqoılary úshin Medeý jáne Shymbulaq.

Bular oqý, ǵylymǵa júginý jáne emdelý úshin barlyq óńirlerden keletin turǵyndar úshin ýnıversıtetter, medısınalyq klınıkalar, ǵylymı ortalyqtar.