О́zge etnos ókilderi esse jazyp jarysty

Qazaqstan halqy Assambleıasynyń «Qazaqtaný» ǵylymı-aǵartýshylyq jobasy aıasynda, Jambyl oblysynyń 80 jyldyǵy jáne Qazaqstan halqy tilderi kúni merekesine oraı ózge etnos ókilderi jastary arasynda esse baıqaýy ótti.

Jambyl oblysy Qazaqstan halqy assambleıasy men oblys ákimi apparatynyń «Qoǵamdyq kelisim» KMM uıymdastyrǵan baıqaýǵa aımaqtyń joǵarǵy oqý oryndary men kolledjderden barlyǵy 60-qa jýyq stýdent qatysty. Uıymdastyrýshylardyń aıtýynsha dástúrli baıqaýdyń bıylǵy jylǵy qatysýshylarynyń sany ótken jyldarmen salystyrǵanda edáýir artqan.

Baıqaýdyń basty maqsaty memlekettik tildiń mańyzdylyǵyn sanaly túrde sezindire otyryp, qurmetteýge tárbıeleý, otansúıgishtik qasıetin arttyryp, elimizdiń básekege qabiletti jastar qataryna qosylýyna yqpal etý, jastardyń boıynda joǵary áleýmettik belsendilik pen shyǵarmashylyq áleýetin damytý bolyp tabylady.

«Jambylym-jer jannatym» atty úzdik esse baıqaýyna qatysýǵa oblystaǵy ár joǵary oqý oryndary jáne kolledjderden 4-5 stýdentten qatysty. Olardyń ótinishteri aǵymdaǵy jyldyń qyrkúıek aıynyń 16 –shy juldyzyna deıin qabyldandy.

Esse baıqaýyna qatysýshy jastardyń baıqaý barysynda tártip buzbaýyn qadaǵalap, talapqa saı bolýlaryn nazarlarynda ustaǵan qazylar quramynda №8 gımnazııanyń qazaq tili men ádebıeti pániniń muǵalimi Qalamqas Samekova, №44 orta mekteptiń qazaq tili men ádebıeti pániniń muǵalimi Sáýle Sydyqova jáne №53 mektep gımnazııanyń qazaq tili men ádebıeti pániniń ustazy Merýert Seıtbekova boldy.

Baıqaýǵa qatysýshylarǵa qoıylar basty talap «Jambylym-jer jannatym» taqyrybynda 60 mınýt ishinde qazaq tilinde 250 sózden kem bolmaýy tıis jáne erejede kórsetilgen krıterıılerge saı esse jazyp shyǵýlary kerek bolatyn.

Esse jazýǵa saǵat tańerteńgi onda otyrǵan qatysýshylar talapqa saı 60 mınýt ishinde aıaqtap shyqty. Baıqaý nátejıesi daıyn bolǵansha stýdentter «Kóne Taraz» tarıhı-mádenı keshenin aralap, murajaı men Dostyq úıine saıahat jasady.

Baıqaý qorytyndysy shyǵyp kezek marapattaý sátine de jetti. Sáýle Omenqyzy «Barlyqtaryńyz taǵatsyzdana kútip otyrǵan bolarsyzdar. Árıne baıqaýda birde bap, birde baq janady. Onyń ústine sizderge qazaq tilinde esse jazý aıtarlyqtaı ońaı bola qoımasy anyq. Dese de, esseni basym kópshilikterińiz óte jaqsy deńgeıde, erejede kórsetilgen krıterıılerge saı jazyp shyqqansyzdar. Qasymdaǵy áriptesterimmen birge jazylǵan esselerge muqııat qarap shyqtyq. Shyǵarmanyń joǵary saýattylyq deńgeıi, taqyryptyń aıqyn ashylýy, baıandaýdyń ádebı stıli jáne baıqaý taqyrybyna saı bolýy syndy basty talaptarǵa erekshe mán berildi. Nátejıesinde jeńimpazdar anyqtaldy. Osy tusta barlyqtaryńyzǵa rahmet aıtqym keledi. Tilge degen qurmet, baıqaýǵa degen belsendilikterińiz jyl saıyn arta bersin»- dedi, №44 orta mekteptiń qazaq tili men ádebıeti pániniń muǵalimi.

Baıqaý qortyndysy boıynsha Taraz memlkettik pedagogıkalyq ýnıversıtetinen Gazaeva Margarıta jáne Abaı atyndaǵy Jambyl gýmanıtarlyq kolledjinen Dýrsýnova Ýlfedına I oryndy ıelendi. II oryndy M.H. Dýlatı atyndaǵy Taraz memlekettik ýnıversıtetinen Gazaeva Salımat, №13 Taraz temirjol kolledjinen Sarybaev Tımýr, «Parasat» kolledjinen Iýldasheva Dıera jáne Taraz ınnovasııalyq-gýmanıtarlyq ýnıversıtetinen Stolıarova Karına qanjyǵalady. Al, III oryn Jambyl joǵary medısınalyq kolledjinen Amzova Nılıýfar, №13 Taraz temirjol kolledjinen Karakýlov Zafar, M.H. Dýlatı atyndaǵy Taraz memlekettik ýnıversıtetinen Hakımov Ýmıtjon, Jambyl polıtehnıkalyq joǵary kolledjinen Telepko Rýslan, Shaı Kamılla jáne Abaı atyndaǵy Jambyl gýmanıtarlyq kolledjinen Mırzaeva Elmıraǵa buıyrdy. Jeńimpazdar baǵaly syılyqtar men dıplomdarǵa ıe boldy. Qalǵan qatysýshylarǵa jappaı yntalandyrý syılyqtary jáne alǵys hattar tabystaldy. Qatysýshylar jappaı estelik sýretterge túsýmen tarqasty.