• USD 389.52
  • EUR 429.21
  • RUB 6.07
  • CNY 54.94
16 Qazan, 02:00:36
Saılaý qarsańynda "joǵalyp ketken" akter Shrı-Lankadan sálem joldady (vıdeo)

19 Qyrkúıek, 2019 NEWS

 Almaty 5 mln adam úshin tolyqqandy metroóńir bolýy tıis

Bul týraly Almaty ákimi B. Saǵyntaev ońtústik astananyń 25 jylǵa deıingi bolashaǵyn boljaǵan Kazakhstan Growth Forum 2019 habarlady, dep jazady qalalyq ákimdiktiń baspasóz qyzmeti.

Onyń sózinshe, Almaty – elimizdiń negizgi qaqpasy ǵana emes. Ońtústik astana – barsha Ońtústik Azııa óńiriniń jahandyq ıntegrasııasynyń draıveri jáne bolashaqta Jańa Jibek Jolynyń iskerlik jáne mádenı astanasy. О́ıtkeni Almatyda iri saýda-logıstıkalyq hab, jańa Jibek Jolynyń dál ortasyndaǵy kommýnıkasııasy toraby bolýdyń barlyq múmkindikteri bar.

Básekege qabiletti bolý úshin biz aldyńǵy qatarly qalalardyń joǵary standarttaryna saı bolýymyz kerek. Almaty zamanaýı usynystarǵa daıyn bolýy jáne aýqymdy mindetterdi sheshýi tıis.

«Bizdiń qalamyzdyń maqsaty men standarttaryn damytý – 5 mln halqy bar metroóńirdiń alǵashqy jahandyq ıntegratory jáne óńirlik habyna aınalýǵa negizdelgen. Kez-kelgen zamanaýı megapolıs retinde Almaty ómir súrýge jaıly, bıznes úshin perspektıvaly, kommýnıkasııa úshin qolaıly bolýy tıis. Munda qalanyń damýyna úles qosýǵa yntaly jannyń «Almatylyq armany» oryndalýy qajet»,  dep atap ótti B. Saǵyntaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir