"Nurly jol" baǵdarlamasy-turǵyndar ıgiligine

«Nur Otan» partııasynyń Jýaly aýdandyq maslıhattaǵy depýtattyq fraksııasy men Partııalyq baqylaý komıssııasynyń birlesken otyrysy bolyp ótti. Jıynǵa, fraksııa múshelerimen qatar, fraksııa janynan qurylǵan komıssııa músheleri, Partııalyq baqylaý komıssııasynyń músheleri, jergilikti atqarýshy organ basshylary, BAQ ókilderi qatysty.

Kún tártibindegi birinshi másele boıynsha aýdany ákiminiń orynbasary A.Jabaǵy «Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn, «Nurly jer» turǵyn-úı qurylysy baǵdarlamasynyń, memlekettik salalyq jáne óńirlik baǵdarlamalarynyń jáne de jóndelip jatqan joldar men salynyp jatqan qurylys nysandarynyń barysy týraly baıandady.

Baıandama aıasynda «Nurly Jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn iske asyrýǵa Qazaqstan Respýblıkasynyń Ulttyq qorynan bólinetin qarajattyń jáne bıýdjettik qarajattyń maqsatty jáne tıimdi jumsalýyna baqylaý júrgizý boıynsha Jýaly aýdandyq maslıhattaǵy «Nur Otan» partııasynyń fraksııa janyndaǵy komıssııa zerdeleý aıasynda anyqtaǵan kemshilikter boıynsha jan jaqty suraqtaryn qoıyp, jaýap aldy.

Komıssııa múshesi S. Jumashev oblystyq mándegi salynyp jatqan joldardyń sapasy syn kótermeıtinin aıtyp, suraqtaryn qoıdy. Sonymen qatar «Kóktóbe», «Teris» «Qosbóltek», «Nurlykent» turǵyn alqaby (elektr qýatymen, gazben, sýmen qamtamasyz etý jáne avtomobıl joldary) ınfraqurylym nysandarynyń qurylysyna fraksııa jetekshisi A.Ahmetova toqtalyp, osy kúnge deıin qurylys aıaqtalsa da, áli de qarajatynyń tolyǵymen aýdarylmaý sebebin surady. О́z kezeginde qurylys bólimi basshysynyń mindetin atqarýshy N.Saýyrbaev kelisim shart boıynsha qurylys-montaj jumystarynyń merzimi 2019 jylǵy 15 shildede aıaqtalǵanyn, ár keshikken kúnine 0,1 paıyzdy aıyppul júrip, qurylys jumystary tolyq aıaqtalǵanymen, ótkizetin qujattamalaryn tolyq usynbaǵandyqtan ekonomıkalyq sotqa talap aryz berilgendigin málimdedi.

Kún tártibindegi ekinshi, úshinshi másele boıynsha fraksııa músheleri K.Begalıev, K.Aıtqulova qoǵamdaǵy atqarǵan depýtattyq qyzmeti týraly jan jaqty baıandady.

Sonymen qatar «Nur Otan» partııasy Saıası keńesiniń múshesi A.Ahmetova «Nur Otan» partııasy Saıası keńesiniń keńeıtilgen otyrysynda Elbasy usynǵan 7 serpin jóninde, partııany «qaıta jandandyrý» boıynsha jumysty jańǵyrtý aspektilerine toqtalyp, qolǵa alynǵan sharalar týraly pikir alysty.

Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynan týyndaǵan mindetterdi oryndaý aıasynda, tańdalǵan starategııalyq baǵyttyń sabaqtastyǵyn qamtamasyz etý úshin partııa mańyna toptastyrý negizinde aýdanda, eldi –mekenderde qurylyp jatqan dıalog alańdarynyń mán-maqsaty túsindirilip, onda halyqpen keri baılanysty kúsheıtý qajetteligi aıtyldy. Sondaı-aq, fraksııa múshelerine áleýmettik jelilerdiń tikeleı efırinde qoǵamdyq qabyldaý júrgizýdi tapsyrdy. Sonda shalǵaı aýyldardan azamattar at aryltyp kelmeı, saýaldaryn úılerinde otyryp joldaı alady. Bul degenimiz Joldaýda aıtylǵan halyqpen keri baılanystyń da óz deńgeıinde ornyǵýy. Kún tártibindegi máseleler boıynsha biraýyzdan tıisti qaýlylar qabyldandy.