• USD 389.52
  • EUR 429.21
  • RUB 6.07
  • CNY 54.94
17 Qazan, 12:23:41
Prezıdenttik jastar kadr rezervine irikteýdiń kelesi kezeńine 904 qatysýshy ótti

22 Qyrkúıek, 2019 Aımaqtar

Jambylda mektep formasy tóńiregindegi ózekti máseleler talqylandy

Baızaq aýdanydaǵy Ybyraı Altynsarın atyndaǵy orta mektebinde «Mektep formasy: ózekti máseleler» aıdarymen “Bala quqyǵyn qorǵaý – qoǵamǵa ortaq mindet» taqyrybynda ashyq áńgime alańy uıymdastyryldy. Jıynda mindetti mektep formasy, mektep Jarǵysy, ishki tártip erejeleri, oqýshy men ata-ananyń mindeti syndy ózekti máseleler ortaǵa salyndy.

Basqosýǵa quqyq qorǵaý salasy, din problemalaryn zertteý ortalyǵy, aýdan ákimdigi ishki saıasat bóliminiń Jastar resýrstyq ortalyǵy, aýdan ákimdiginiń bilim bólimi, qoǵamdyq birlestikter men qamqorshylyq keńes músheleri, aımaqtyq mektepterdegi dırektorlardyń orynbasarlary men ata-analar komıtetteriniń músheleri, sonymen qatar, oblystyq jáne aýdandyq buqaralyq aqparat quraldarynyń ókilderi shaqyryldy.

Mindetti mektep formasyna qoıylatyn talaptardy oryndaýǵa qoǵam nazaryn aýdarý maqsatynda ótkizilgen basqosýdy Y.Altynsarın orta mektebiniń dırektory Qanat Báıten ashyp berdi. Budan keıin aýdan ákimdigi bilim bóliminiń tárbıe isi jónindegi ádiskeri Indıra Spanalıeva sóz alyp, aýdan aýmaǵynda mektep formasyna baılanysty nemese ata-analarynyń yqpalymen mektep formasyn saqtamaı otyrǵan oqýshylar jaıynda málimettermen bólisti.

– Mektep formasynyń mindetti biryńǵaı bolýy týraly kóterilip otyrǵan máseleniń ózindik áleýmettik-tulǵalyq júgi bar. Birinshiden, kez kelgen forma belgili bir mekemege qatystylyqty bildiretindikten, tulǵaǵa sol mekeme aldyndaǵy jaýapkershilikti júkteıdi. Ekinshiden, forma quqyqtyq qatynastar shegin aıqyndaıtyn baqylaý quraly. Qarapaıym mysal keltirer bolsaq, mektep formasyn kıip júrgen bala sabaq ýaqytynda kóshede júrse nemese kompıýter klýbtarynda oıyn oınap otyrsa, kez kelgen ýchaskelik polısııa qyzmetkeri odan mán-jaıdy surap, qadaǵalaýǵa quqyǵy bar. Úshinshiden, biryńǵaı forma mektep jasyndaǵy balalardyń áleýmettik turǵydan jiktelýine, psıhologııalyq qysymdardyń oryn alýyna jol bermeıdi. Mektep formasy bastaýysh synyp oqýshylaryn tártipke úıretse, joǵary synyp oqýshylaryn senimdilikke jeteleıdi, – dedi mektep dırektory Qanat Báıten.

Kelesi kezekte qamqorshylyq keńesiniń tóraıymy Elmıra Smaılovaǵa sóz berilip, ol óz oıymen bólisti. Biryńǵaı mektep formasyna qoıylatyn talaptar saqtalmaǵan jaǵdaıda ata-analardyń jaýapkershilikteri týraly aýdan prokýratýrasynyń prokýrory Juldyz Qoıkenova, aýdandyq polısııa bólimi jergilikti polısııa qyzmetiniń bólimshesi ıývenaldy polısııa tobynyń ınspektory, polısııa maıory Meıirbek Júnisbekov túsindirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir