• USD 389.52
  • EUR 429.21
  • RUB 6.07
  • CNY 54.94
16 Qazan, 01:34:00
Saılaý qarsańynda "joǵalyp ketken" akter Shrı-Lankadan sálem joldady (vıdeo)

22 Qyrkúıek, 2019 Aımaqtar

Jambyldyq sportshylar jyl basynan beri 696 medal qanjyǵalaǵan

Jambyldyq sportshylar álemdik deńgeıdegi túrli jarystarda kók týymyzdy jelbiretip, el abyroıyn asqaqtatyp júrgeni barshamyzǵa belgili. Bul – olarǵa kórsetilip otyrǵan qoldaýdyń jáne óz sheberlikterin shyńdaýyna jasalǵan jaǵdaıdyń nátıjesi desek, artyq aıtqanymyz emes. О́z kezeginde jambyldyq jampozdar baıraqty básekelerde oza shaýyp, júldeli oryndardy ıelenýdi jaqsy dástúrge aınaldyrǵan.

Máselen, oblys sportshylary jyl basynan bergi ýaqytta Halyqaralyq jáne respýblıkalyq jarystarda barlyǵy 696 medal ıelendi. Onyń ishinde 267altyn, 196 kúmis, 233 qola medal bar.

Jyl basynan oblys sportshylary iri halyqaralyq jarystarǵa qatysyp, jaqsy sporttyq kórsetkishterge qol jetkizdi.

Mysaly, Ánel Nurjanova men Iýlııa Prosvetova – sporttyq akrobatıkadan Álem Kýbogynyń qola júldegerleri atandy. Al, Qordabaı Meıirbek – grek-rım kúresinen 23 jasqa deıingi eresekter arasyndaǵy Azııa chempıonatynyń qola júldesin ıelendi. Sol sekildi. Eldos Smetov – dzıýdodan Álemdik Gran-prı týrnırleriniń jeńimpazy, Álem chempıonatynyń qola júldegeri, Nurqanat Serikbaev – dzıýdodan jasóspirimder arasynda Azııa Kýbogynyń jeńimpazy atansa, Qazybek Raqyshev, Aıaýlym Qýanysheva jáne Shapaǵat Dáýlet qola júldege ıe boldy.

Jastar arasyndaǵy ulttyq at sporty túrlerinen Birinshi Azııa chempıonatynyń «kókpar» sportynan Qazaqstan Respýblıkasynyń qurama komandasy jeńimpaz atandy. Ulttyq quramanyń sapynda Jambyl oblysynyń 5 sportshysy Qurmanbek Turǵanbek, Ernar Jarylqasyn, Ernur Kamelhan, Ersultan Ázimbaev jáne Ernet Málimbaı oıyn kórsetti. Jamby atý sporty boıynsha Qazaqstan Respýblıkasynyń qurama komandasynyń sapynda Jambyl oblysynyń sportshysy Babajan Baqdáýlet I oryndy jeńip alyp, Azııa chempıony atandy.

«Áýlıe-Ata» kókpar komandasy – Qazaqstan Respýblıkasy chempıonatynyń jeńimpazy atanyp, Qazaqstan Respýblıkasynyń 10 dúrkin chempıony atandy.

Ǵalymjan Qyryqbaı – Ýnıversıada oıyndarynda dzıýdo kúresinen absolıýt salmaq dárejesinde jeńimpaz atandy. Aıta ketetini, bul medal Ýnıversıada oıyndarynda Qazaqstan tarıhynda dzıýdo kúresinen tuńǵysh ret ıelengen jáne osy jarystaǵy jalǵyz altyn medal boldy.

Erbolat Káribaı – para paýerlıftıngten 49 kelide jastar arasyndaǵy Álem chempıonatynyń qola júldegeri.

Sonymen qatar, jyl basynan beri sport túrlerinen ótken Qazaqstan Respýblıkasynyń chempıonattarynda oblys sportshylary joǵary nátıjelerge qol jetkizdi.

Búgingi tańda Jambyl oblysynan – 893 sportshy sport túrlerinen Qazaqstan Ulttyq Qurama komandasynyń músheleri. Olar, ózderiniń sporttyń jeńisteri arqyly Qazaqstan Respýblıkasynyń kók baıraǵyn kókke kóterip, el abyroıyn asqaqtatýǵa óz úlesterin qosyp keledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir